قاسىم حان تۋرالى فيلم تۇسىرىلە باستايدى
الماتى. قازاقپارات - «قازاق فيلم» كينوستۋدياسى قاسىم حان تۋرالى جاڭا تاريحي فيلمنىڭ ءتۇسىرىلىمىن باستايدى، دەپ حابارلايدى قازاقپارات ءتىلشىسى.
«قازاق فيلمنىڭ» باسپا ءسوز قىزمەتى اتاپ وتكەندەي، جاقىن ۋاقىتتا كينوستۋديا قاسىم حان تۋرالى تولىق مەتراجدى فيلمنىڭ جوباسىن جۇزەگە اسىرماقشى. تاريحي فيلمنىڭ رەجيسسەرى اقان ساتايەۆ بولادى.
«رەجيسسەر اقان ساتايەۆ باستاعان شىعارماشىلىق توپتى 1511-1521 -جىلدارى قازاق حاندىعىن باسقارعان اتى اڭىزعا اينالعان حاننىڭ تاريحي بەينەسىن جاڭعىرتۋدا كوپ جۇمىس كۇتىپ تۇر. ءدال وسى جىلدارى مەملەكەت شىعىس دەشتى - قىپشاقتىڭ اۋقىمدى تەرريتورياسىنا باقىلاۋ ورناتتى. «قاسىم حاننىڭ قاسقا جولى» دەگەن اتپەن بەلگىلى زاڭ جاسالىپ، شىعارىلدى. ول داۋىردە قازاقتار تاۋەلسىز ەتنيكالىق قاۋىمداستىق رەتىندە ءبىزدىڭ تەرريتوريامىزدان تىس جەرلەردە دە تانىمال بولدى»، - دەپ حابارلادى كينوستۋديانىڭ باسپا ءسوز قىزمەتى.
فيلمدى ءتۇسىرۋ جۇمىستاردى 2021 -جىلدىڭ جەلتوقسانىندا اياقتاۋ جوسپارلانىپ وتىر.
