قازاقستاندا حالىقارالىق سالەمدەمە ءۇشىن تولەنەتىن باج سالىعى جەڭىلدەدى
بۇل تۋرالى قازاقپارات مەملەكەتتىك كىرىستەر كوميتەتىنە سىلتەمە جاساپ حابارلايدى. ال ەگەر جۇك بەلگىلەنگەن نورمالاردان اسقان جاعدايدا، قۇننان %15 مولشەردە، ءبىراق قۇندىق نەمەسە سالماق نورمالارىنان اسىپ كەتكەن سالماقتىڭ ءار كيلوگرامى ءۇشىن 2 ەۋرودان كەم ەمەس مولشەردە كەدەندىك تولەمدەر تالاپ ەتىلەدى. 2020 -جىلدىڭ 1-قاڭتارىنان باستاپ باج سالىعىن تولەۋ ءۇشىن ءاربىر جەكە سالەمدەمەنىڭ سالماعى مەن قۇنى نەگىزگە الىنادى. مىسالى، شەتەلدىك ينتەرنەت- دۇكەندە تاپسىرىس بەرىلگەن، قۇنى 300 يەۆرو بولاتىن سالەمدەمەگە جولاۋشىنىڭ كەدەندىك دەكلاراتسياسىن تاپسىرۋ قاجەت، سونداي- اق قۇندىق نورماسىنان اسىپ كەتۋ قۇنىنا %15 مولشەرىندە كەدەندىك باجداردى تولەۋ كەرەك (ياعني، 100 ەۋرودان 15%). ا ەگەر سالەمدەمە قۇنى 200 ەۋرودان تومەن بولسا، ءبىراق ونىڭ سالماعى 35 ك گ بولسا (ياعني، سالماق نورماسىنان 4 كگ ارتىق) ، وندا 4 ك گ سالماعىنا كەدەندىك باج سالىعىنا جاتادى.
حالىقارالىق پوشتا ارقىلى جىبەرىلگەن جەكە پايدالانۋعا ارنالعان تاۋارلار كەدەندىك دەكلاراتسيالاۋعا جاتادى. حالىقارالىق پوشتا ارقىلى جىبەرىلەتىن جەكە پايدالانۋعا ارنالعان تاۋارلاردىڭ قۇنى دۇنيەجۇزىلىك پوشتا وداعىنىڭ اكتىلەرىندە كوزدەلگەن جانە وسىنداي حالىقارالىق پوشتا جونەلتىلىمدەرىمەن بىرگە جۇرەتىن قۇجاتتاردا مالىمدەلەدى. بۇل رەتتە، حالىقارالىق پوشتا جونەلتىلىمىنىڭ مالىمدەلگەن قۇنى، ەگەر ول دۇنيەجۇزىلىك پوشتا وداعىنىڭ اكتىلەرىندە كوزدەلگەن قۇجاتتاردا كورسەتىلگەن جەكە پايدالانۋعا ارنالعان تاۋارلار قۇنىنان اسىپ كەتسە عانا جەكە پايدالانۋعا ارنالعان تاۋارلاردىڭ قۇنى بولىپ سانالادى.
جەكە پايدالانۋعا ارنالعان تاۋارلاردىڭ قۇنىنا كولىك جانە ساقتاندىرۋ شىعىندارى كىرمەيدى. حالىقارالىق پوشتا ايىرباستاۋ ورىندارىندا (مەكەمەلەرىندە) ساقتالعان حالىقارالىق پوشتا جونەلتىلىمدەرى ءۇشىن ۋاقىتشا ساقتاۋ مەرزىمى التى ايدى قۇرايدى. ەۋرازيالىق ەكونوميكالىق كوميسسيا كەڭەسىنىڭ 2017 -جىلعى 20 جەلتوقسانداعى № 107 «جەكە پايدالانۋعا ارنالعان تاۋارلارعا قاتىستى كەيبىر ماسەلەلەر تۋرالى» شەشىمىنە (№1 قوسىمشا) سايكەس، جەكە پايدالانۋعا ارنالعان تاۋارلاردى باجسىز اكەلۋ نورمالارىن ودان ءارى تومەندەتۋ قاراستىرىلماعانىن ەسكەرۋ قاجەت. سالەمدەمەنىڭ قايدا ەكەنىن «قازپوشتا» ا ق- نىڭ www.post.kz رەسمي سايتىنان كورۋگە بولادى.