كولىكتى تىركەۋ كۋالىگى مەن ءنومىر قازاقستاندىقتاردىڭ ۇيلەرىنە دەيىن جەتكىزىلىپ بەرەدى

قازاقستاندىقتار كولىك قۇرالىن تىركەۋ تۋرالى كۋالىكتى جانە مەملەكەتتىك ءنومىردى ۇيگە دەيىن جەتكىزۋ قىزمەتىن eGov.kz پورتالىندا راسىمدەي الادى. بۇل ءۇشىن قاجەتتى دەرەكتەردى، تۇرعىلىقتى مەكەنجايدى كورسەتىپ، قىزمەت اقىسىن تولەۋ جەتكىلىكتى. وسىدان كەيىن «ازاماتتارعا ارنالعان ۇكىمەت «مەملەكەتتىك كورپوراتسياسى» ك ە ا ق قىزمەتكەرى مەملەكەتتىك ءنومىر مەن كۋالىكتى ۇيگە اكەلەدى.

«ۇلتتىق اقپاراتتىق تەحنولوگيالار» ا ق باسقارما ءتوراعاسى اسەت تۇرىسوۆتىڭ ايتۋىنشا، بۇعان دەيىن قازاقستاندىقتارعا اتالمىش قىزمەتتەردى الۋ ءۇشىن كەم دەگەندە ەكى رەت مامانداندىرىلعان ح ق و- عا بارۋ قاجەت بولعان. قىزمەتتى راسىمدەۋ ءۇشىن: «ەلەكتروندىق ۇكىمەت» پورتالىنا كىرىپ، «كولىك جانە كوممۋنيكاتسيالار» ايدارىنداعى «اۆتوموبيل كولىگى» بولىمشەسىن تاڭدايمىز. ودان ءارى «م ت ن ب جانە ك ق ت ك- نى ۇيگە جەتكىزۋ» قىزمەتىنە باسىپ، اۆتوريزاتسيادان ءوتىپ، تاپسىرىس بەرۋ قاجەت. سونىمەن قاتار، مامانداندىرىلعان ح ق و اتاۋى مەن تولىق مەكەنجايىن كورسەتە وتىرىپ، بارلىق مىندەتتى جولداردى تولتىرۋ كەرەك. وسىدان كەيىن قىزمەتكە اقى تولەۋ جانە ە س ق كومەگىمەن نە بولماسا بىررەتتىك س م س- پارول ارقىلى سۇراۋ سالۋعا قول قويۋ قاجەت (موبيلدى ازاماتتار بازاسىندا مىندەتتى تۇردە تىركەلۋ قاجەت). قىزمەت جەكە تۇلعالارعا قولجەتىمدى. قىزمەت كورسەتۋ مەرزىمى - 1 جۇمىس كۇنى.

اۆتور: اياۋلىم التىنبەك