قىرعىز جوگوركۋ كەنەشىنىڭ ءتوراعاسى سايلاندى

قازاقپارات بۇل تۋرالى كabar.kg اقپارات اگەنتتىگىنە سىلتەمە جاساپ حابارلايدى.

ءتوراعانى سايلاۋعا داۋىس بەرۋ جاسىرىن ءوتىپ، وتىرىسقا قاتىسقان 80 دەپۋتاتتىڭ 78 ى قانات يسايەۆتىڭ كانديداتۋراسىنا قولداۋ كورسەتتى. تەك 2 دەپۋتات قانات يسايەۆتىڭ جوگوركۋ كەنەش ءتوراسى بولۋىنا قارسىلىق تانىتتى. جاڭا سايلانعان ءتوراعا بۇل لاۋازىمعا جالعىز ۇمىتكەر بولعان ەدى.

ايتا كەتەرلىگى، بۇگىن جوگوركۋ كەنەشتىڭ كەزەكتەن تىس وتىرىسى بارىسىندا دەپۋتاتتار قىرعىزستان پرەزيدەنتىنىڭ بىشكەك اۋماعىندا توتەنشە جاعداي ەنگىزۋ تۋرالى جارلىعىنا قولداۋ بىلدىرگەن بولاتىن. جارلىققا سايكەس، 12-قازان كۇنى ساعات 20.00 دەن 19-قازان كۇنگى ساعات 07.00 گە دەيىن توتەنشە جاعداي ەنگىزىلەدى. قالادا كەشكى ساعات 22.00 دەن تاڭعى ساعات 05.00 گە دەيىن كومەنداتتىق ساعات بولادى.