وسى عاسىر ادامدار ءۇشىن سوڭعى عاسىر بولۋى مۇمكىن – ب ۇ ۇ باس حاتشىسى
نۇر-سۇلتان. قازاقپارات – ب ۇ ۇ باس حاتشىسى انتونيو گۋتەرريش TED Countdown حالىقارالىق باستاماسىنىڭ قولداۋىمەن وتكەن فورۋم بارىسىندا جاھاندىق جىلىنۋمەن كۇرەسۋ جوسپارىن ۇسىندى.
بۇل تۋرالى newsroom+اقپارات اگەنتتىگى ب ۇ ۇ جاڭالىقتارىنا سىلتەمە جاساپ حابارلايدى.
ونىڭ ايتۋىنشا، كليماتتىڭ وزگەرۋى ادامزاتتىڭ ومىرىنە قاۋىپ ءتوندىرىپ وتىر.
«ەگەر ءبىز قازىر ارەكەت جاساماساق، وندا بۇل عاسىر ادامزات ءۇشىن سوڭعى عاسىر بولۋى مۇمكىن»، - دەدى ول.
ديپلومات كليماتولوگتاردىڭ عالامدىق تەمپەراتۋرانىڭ جوعارىلاۋىن سەلسيا بويىنشا ءبىر جارىم گرادۋس دەڭگەيىندە ۇستاپ تۇرۋ تۋرالى ۇسىنىستارى ورىندالماي جاتقانىن اتاپ ءوتتى.
ول ميلليارد ادامنىڭ جوعارى جاقتىڭ ارەكەتسىزدىگىنەن زارداپ شەگىپ جاتقانىن تىلگە تيەك ەتتى. الەمدىك كليماتتىق وزگەرىستەر ورمان ورتتەرىن، تسيكلونداردى، سۋ تاسقىنىن، قۇرعاقشىلىقتى جانە باسقا دا تابيعي قۇبىلىستاردى تۋدىردى. كليمات داعدارىسىنان يممۋنيتەتى تومەن كەدەيلەر مەن وسال ادامدار ەڭ كوپ زارداپ شەگەدى.
«ءبىز ءالى دە قاۋىپسىز، ادىلەتتى جانە ورنىقتى الەم قۇرا الامىز، ءبىراق ءبىز تەز ارەكەت ەتۋىمىز كەرەك»، - دەدى گۋتەررەس.
ب ۇ ۇ باس حاتشىسى الەم ەلدەرىنە قاراپايىم جوسپار قۇرۋعا شاقىردى: جاسىل جۇمىس ورىندارىنا ينۆەستيسيا سالۋعا، لاستاۋشى سالالاردان جانە قازبا وتىن وندىرەتىن جانە وڭدەيتىن كاسىپورىندارعا سۋبسيديالاردان باس تارتۋعا، ساياسي جانە ەكونوميكالىق شەشىمدەر قابىلداۋ كەزىندە كليماتتىق تاۋەكەلدەردى ەسكەرۋگە شاقىردى.
