قىرعىزستاننىڭ ەكس- پرەزيدەنتى المازبەك اتامبايەۆ قايتا قاماۋعا الىندى
نۇر-سۇلتان. قازاقپارات - بىشكەكتە ءتۇن تىنىش ءوتتى. بۇل تۋرالى جەرگىلىكتى بۇقارالىق اقپارات قۇرالدارى حابارلادى. قىرعىز ەلى استاناسىندا جاپپاي توبەلەس نەمەسە توناۋ دەرەكتەرى تىركەلگەن جوق.
قالادا توتەنشە جاعداي رەجيمى ەنگىزىلگەن. قارۋلى كۇشتەر بلوك- بەكەتتەردە كولىكتەردى تەگىس تەكسەرەدى. ميتينگتەر مەن ءارتۇرلى اكسيالار ۇيىمداستىرۋعا دا تىيىم سالىنعان. سوعان قاراماستان، رەسپۋبليكانىڭ جاڭا پرەمەرى بولىپ سايلانعان سادىر جاپاروۆتىڭ جاقتاستارى ورتالىق الاڭعا جيىلىپ، ءوز كوشباسشىلارىن قولداۋ شاراسىن وتكىزدى. ال ەكس- پرەزيدەنت المازبەك اتامبايەۆ قايتا قاماۋعا الىندى. كۇشتىك قۇرىلىمدار وعان قارسى بۇرىنعى تاعىلعان ايىپتارىنا قوسا، جاپپاي تارتىپسىزدىك ۇيىمداستىردى دەگەن دەرەك بويىنشا ءىس قوزعادى.
www.24.kz
