قازاقستاندىق ستۋدەنتتەر رەسەيگە تەك ۇشاقپەن بارا الادى
نۇر- سۇلتان. قازاقپارات - رەسەي ۇكىمەتىنىڭ شەشىمىمەن قازاقستان ازاماتتارىنىڭ بارىنە، سونىڭ ىشىندە ىشكى جانە ورتا وقۋ ورىندارىندا وقىپ جۇرگەندەرگە رەسەيگە ۇشاقپەن عانا كىرۋگە رۇقسات بەرىلەدى، دەپ حابارلايدى قازاقپارات ءتىلشىسى ق ر رەسەي فەدەراتسياسىنداعى ەلشىلىگىنە سىلتەمە جاساپ.
برازيليادا كوروناۆيرۋستان 150 مىڭنان استام ادام قايتىس بولعان قۇرلىقتىق شەكارا ارقىلى بۇرىنعى شەكتەۋلەر، اتاپ ايتقاندا رەسەيگە وسى جولمەن كىرۋگە ءالى دە تىيىم سالىنادى. ۇشىپ كەلگەن ستۋدەنت كوشى- قون كارتاسىندا وزدىگىمەن كەلۋ ماقساتىن «وقۋ» دەپ كورسەتۋى كەرەك. وسىنىڭ نەگىزىندە وقۋ ورنى كەلۋ كەزەڭىنە بايلانىستى تىركەۋ قۇجاتىن جاسايدى.
قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى رەسەيگە ءۇشىنشى ەل ارقىلى كىرۋگە تەك تۇرۋعا ىقتيارحاتى بار ازاماتتار كىرە الاتىنىن حابارلايدى. ەگەر ق ر ازاماتى رەسەيگە قازاقستان ارقىلى ەمەس، تۇركيا ارقىلى كىرۋدى ءجون دەپ شەشسە، وندا ونىڭ تۇركيادا تۇرۋعا ىقتيارحاتى بولۋى كەرەك.
«ەكى ەل اراسىنداعى اۋە رەيستەرىن Air Astana مەن اەروفلوت كومپانيالارى جاسايدى. اۋە بيلەتتەرىنىڭ باعاسى مەن ۇشاقتاردىڭ ۇشۋ ءتارتىبىن اۋە كومپانيالارىنىڭ سايتىنان بىلۋگە بولادى. رەسەيگە كەلەتىن ازاماتتاردا كورونواۆيرۋس بويىنشا پ ت ر- انىقتاما بولۋى (72 ساعاتقا جارامدى) كەرەك»، - دەلىنگەن حابارلامادا.
