تاۋلى قاراباق: ازەربايجان مەن ارمەنيانىڭ س ءى م باسشىلارى ماسكەۋگە بارادى
ەرەۆان. قازاقپارات - ارمەنيانىڭ سىرتقى ىستەر ءمينيسترى زوگراب مناتساكانيان ازەربايجاندىق جانە رەسەيلىك ارىپتەسىمەن كونسۋلتاتسيا وتكىزۋ ءۇشىن ماسكەۋگە بارادى.
بۇل تۋرالى «قازاقپارات» اگەنتتىگىنىڭ مەنشىكتى ءتىلشىسى ارمەنيانىڭ س ءى م باسپا ءسوز قىزمەتىنە سىلتەمە جاساي وتىرىپ حابارلايدى. ارمەنيانىڭ سىرتقى ىستەر ءمينيسترى زوگراب مناتساكانيان ماسكەۋگە بارادى. ءدال بۇگىن سول جەردە ازەربايجان مەن رەسەيدىڭ سىرتقى ساياساتىنا جاۋاپتى باسشىلارمەن كونسۋلتاتسيا جۇرگىزەدى.
«كۇن تارتىبىندە تەك اسكەري ارەكەتتەردى توقتاتۋ ماسەلەلەرى، جاۋىنگەرلەردىڭ دەنەسى مەن تۇتقىنداردى ءوزارا الماسۋ بويىنشا گۋمانيتارلىق ماسەلەلەر قارالادى»، - دەپ حابارلايدى ارمەنيا س ءى م باسپا ءسوز حاتشىسى اننا ناگداليان.
ايتا كەتەرلىگى، تاياۋدا تاراپتاردىڭ قاقتىعىسى جايلى ر ف پرەزيدەنتى ۆلاديمير پۋتين پىكىر بىلدىرگەن ەدى. ول تاراپتاردى اسكەري قيمىلداردى توقتاتىپ، ازەربايجان مەن ارمەنيانىڭ س ءى م باسشىلارىن 9 -قازاندا ماسكەۋگە شاقىرعان ەدى. بۇگىنگى تاڭدا ازەربايجاننىڭ س ءى م باسشىسى دجەيحۋن بايراموۆ تا ماسكەۋگە بارادى.
«قازاقپارات» اگەنتتىگىنىڭ باكۋداعى مەنشىكتى ءتىلشىسى بەكباي تايمانوۆ بۇل تۋرالى ازەربايجاننىڭ س ءى م- ىنە سىلتەمە جاساي وتىرىپ حابارلايدى. جەنيەۆادا ازەربايجاننىڭ سىرتقى ىستەر ءمينيسترى د. بايراموۆتىڭ ە ق ى ۇ- نىڭ مينسك توبىنداعى تەڭ توراعاسىمەن كەزدەسۋى وتكەن. ە ق ى ۇ- نىڭ مينسك توبىنداعىلارعا باكۋدىڭ تاۋلى قاراباقتاعى قاقتىعىستى رەتتەۋ بويىنشا پوزيتسياسى جەتكىزىلگەن.
ەسكە سالساق، 27 - قىركۇيەكتە ازەربايجان مەن ارمەنيا تاۋلى قاراباقتاعى جاعدايدىڭ ۋشىققانى تۋرالى حابارلاعان ەدى. كوپ وتپەي ق ر سىرتقى ىستەر مينيسترلىگى جاعدايعا بايلانىستى مالىمدەمە تاراتتى. ودان بولەك رەسەي، ا ق ش جانە فرانتسيا ە ق ى ۇ مينسك توبىنىڭ تەڭ ءتوراعالارى رەتىندە جەنيەۆا مەن ماسكەۋدە تاۋلى قاراباقتاعى جاعداي بويىنشا كەلىسسوزدەر جۇرگىزەتىنى بەلگىلى بولعان.
