قازاقستاندا مەديتسينالىق ماسكانىڭ باعاسى تومەندەتىلدى
نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى ە. توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا مەملەكەت باسشىسىنىڭ تاپسىرمالارىن ورىنداۋ بويىنشا ءبىرقاتار شەشىم قابىلدادى، دەپ حابارلايدى قازاقپارات primeminister.kz كە سىلتەمە جاساپ.
«مەملەكەت باسشىسىنىڭ تاپسىرماسىن ورىنداۋ ماقساتىندا ۆەدومستۆوارالىق كوميسسيا مەملەكەتتىك ورگاندارمەن، «اتامەكەن» ۇ ك پ- مەن جانە وتاندىق تاۋار وندىرۋشىلەرمەن تالقىلاۋ قورىتىندىسى بويىنشا قورعانىش ماسكالارىنا 40 تەڭگە، ءبىر رەتتىك مەديتسينالىق ماسكالارعا 60 تەڭگە مولشەرىندە شەكتى بولشەك ساۋدا باعاسىن بەلگىلەدى»، دەلىنگەن حابارلامادا.
ەسكە سالا كەتسەك، مەملەكەت باسشىسى ق. توقايەۆتىڭ كوروناۆيرۋس پاندەمياسىنىڭ ەكىنشى تولقىنىنا دايىندىق ماسەلەلەرى جونىندەگى كەڭەستە ماسكا باعاسىن تومەندەتۋدى تاپسىرعان بولاتىن.
