قارا مەتاللۋرگيا ەكىنشى جىل قاتارىنان قۇلدىراۋدا

باستى ءۇش وڭىردەگى وندىرۋشىلەر اراسىندا قاراعاندى وبلىسىنىڭ مەتاللۋرگياسى عانا وڭ ناتيجە كورسەتۋدە، دەپ حابارلايدى قازاقپارات ءتىلشىسى energyprom.kz-كە سىلتەمە جاساپ.

2020 -جىلدىڭ قاڭتار- تامىزىندا قارا مەتاللۋريا سالاسىنداعى ءوندىرىس اقشاعا شاققاندا 1,1 تريلليون تەڭگەنى قۇراپ، وتكەن جىلدىڭ ءدال وسىنداي كەزەڭىمەن سالىستىرعاندا 6,2 پايىزعا كەمىدى. ءونىم كولەمى 2 جىل قاتارىنان تومەندەۋدە. وتكەن جىلدىڭ 8 ايىندا ءوندىرىس كولەمى 6,8 پايىزعا قىسقارعان بولاتىن.

دەگەنمەن، 2019 -جىلدىڭ قاڭتار- جەلتوقسانىندا ونەركاسىپ ءوندىرىسىنىڭ يندەكسى 101,3 پايىز بولدى. قازاقستاندا قارا مەتاللۋرگيا سالاسىنداعى ءوندىرىس نەگىزگى ءۇش وڭىردە شوعىرلانعان:

بولات وندىرەتىن ArcelorMittal كومپانياسى ورنالاسقان قاراعاندى وبلىسى (442,3 ميلليارد تەڭگە، اقشاعا شاققاندا جىل ىشىندە 8,5 پايىز ءوسىم بار)؛ KSP Steel جانە اقسۋ فەرروقورىتپا زاۋىتى بار پاۆلودار وبلىسى (286,6 ميلليارد تەڭگە,18,7 پايىز تەرىس مانگە يە) جانە اقتوبە فەرروقورىتپا زاۋىتى جۇمىس ىستەيتىن اقتوبە وبلىسى (202,6 ميلليارد تەڭگە، 14,6 پايىز تەرىس مانگە يە). سەكتوردا ناقتى ماندە بولات جابىندىسى بار تاباقتاردان سەدۆيچ- پانەلدەر ءوندىرىسى 31,4 پايىزعا ارتىپ، 10,6 مىڭ توننانى قۇرادى. جازىق يلەك ءوندىرىسى دە 11,1 پايىز ۇلعايىپ، 1,7 ميلليون تونناعا جەتتى. ال تازارتىلماعان بولات ءوندىرىسى 17,5 پايىزعا، 2,5 ميلليون تونناعا قىسقاردى. دەگەنمەن، قوسپا بولات ءوندىرىسى 28,7 پايىزعا كوبەيىپ، 3,9 مىڭ توننا بولدى.

اۆتور: مارلان جيەمباي