اتتىڭ كۇشى نەگە تەڭ؟

كولىك قوزعالتقىشىنداعى ات كۇشىن ايتقاندا كوبىمىزگە 80 جىلقى مەن قۋاتى 80 اتتىڭ كۇشىنە تەڭ كولىكتىڭ قۋاتتىلىعى بىردەي دەگەن وي كەلەدى. الايدا شىندىعىنا كەلگەندە 80 جىلقى مەن ونىڭ كۇشىنە تەڭ قوزعالتقىشى بار كولىكتىڭ قۋاتى اركەلكى بولادى. ات كۇشى ستاندارتتى قۋات بىرلىگى ەكەنىن، ونىڭ ۇستىنە ءار جىلقىنىڭ كۇشى ەرەكشەلەنەتىنىن ەسكەرۋ قاجەت.

ات كۇشى بىرلىگى 1789 -جىلى قولدانىسقا ەنگەن. ونەرتاپقىش دجەيمس ۋاتت جۇمىس بارىسىندا جىلقىنى ەمەس، بۋ ماشيناسىن قولدانۋدىڭ تيىمدىلىگىن كورسەتكىسى كەلگەن. ول جىلقىنىڭ كومىر تولى بوشكەنى شاحتادان ارقان بايلانعان دوڭگەلەك ارقىلى كوتەرۋ ءۇشىن قانشا كۇش جۇمسايتىنىن ەسەپتەيدى. جىلقى 75 كيلوگرامم بولاتىن جۇكتى سەكۋندىنا 1 مەتر جىلدامدىقپەن كوتەرە العان. ەگەر بۇل قۋاتتى ۆاتت بىرلىگىنە اينالدىرسا، 1 ات كۇشى 735 ۆاتقا تەڭ بولادى.

شاحتا باسشىلىعىن جۇمىسقا جىلقىنى جەكپەي، ورنىنا بۋ ماشيناسىن قولدانۋعا كوندىرۋ ءۇشىن دجەيمس ۋاتت ەكەۋىنىڭ تيىمدىلىگىن سالىستىرۋدى ۇسىنادى. ءبىر كۇندە جىلقىنىڭ اتقارعان جۇمىسىن بۋ ماشيناسى الدەقايدا ءتيىمدى ىستەيتىنىنە كوز جەتكىزگەن شاحتا يەلەرى جاڭا ونەرتابىسقا ءوتۋدى شەشەدى. ويتكەنى اتقورا ۇستاۋ، ءار جىلقىنىڭ ءشوبى مەن جەمى سەكىلدى شىعىنى كوپ اتتىڭ ورنىنا بۋ ماشيناسىن الۋ ارزانىراق.

الايدا كەيىن انىقتالعانداي دجەيمس ۋاتت اتتىڭ كۇشىن قاتە ەسەپتەگەن. سەبەبى 75 كيلوگرامم جۇكتى سەكۋندىنا 1 مەتر جىلدامدىقپەن تەك مىقتى جىلقىلار عانا كوتەرە الادى. وعان قوسا بۇل جۇمىستى ات ۇزاق ۋاقىت ىستەي المايدى.

ات كۇشىنىڭ تۇرلەرى

مەتريكالىق ات كۇشى 75 ك گ- دى سەكۋندىنا 1 مەترگە كوتەرۋمەن تەڭ. ەۋروپادا قولدانىلادى

مەحانيكالىق ات كۇشى 745.7 ۆت- قا تەڭ. اعىلشىن ءتىلدى ەلدەردە قولدانىلادى

ەلەكترلى ات كۇشى 746 ۆت- قا تەڭ. ەلەكترقوزعالتقىشتاردىڭ قۋاتىن بىلدىرەدى

تۇقاندى ات كۇشى 1000 ك گس·م/س تەڭ. ا ق ش- تا كەڭىنەن قولدانىلادى

گيدراۆليكالىق ات كۇشى 745.7 ۆت- قا تەڭ.

قوزعالتقىشتىڭ قۋاتىن قالاي انىقتايدى

زاماناۋي قۇرىلعىلار قوزعالتقىشتىڭ قۋاتىن ەش قاتەسىز انىقتاۋعا مۇمكىندىك بەرەدى. قازىر دينوستەند كەڭىنەن قولدانىلادى. ارناۋلى ورىندا كولىكتىڭ مۇمكىندىگى جەتكەن اينالىمعا دەيىن جەتكىزگەن سوڭ ارنايى قۇرىلعى قوزعالتقىشتىڭ قۋاتتىلىعىن انىقتايدى. الايدا ات كۇشى جۇيەلى بىرلىك بولماعاندىقتان ءار ەلدە ءارتۇرلى ەسەپتەلۋى مۇمكىن. مىسالى، ەۋروپادا ات كۇشى 745 ۆاتتقا تەڭ بولسا، ازيا ەلدەرىندە 735 ۆاتتپەن ولشەيدى.

دەگەنمەن ات كۇشى بىرلىگى قولدانىسقا كەڭىنەن ەنىپ، كولىك سيپاتتاماسىنىڭ اجىراماس بولىگىنە اينالدى. قوزعالتقىش قۋاتىن ۆاتتپەن ەمەس، ات كۇشىمەن ەسەپتەۋ الدەقايدا ىڭعايلى.

massaget.kz