كوروناۆيرۋسقا قارسى رەسەيلىك ۆاكسينانىڭ ءبىر دوزاسى قانشا تۇرادى

بۇل تۋرالى جۋرناليستەرگە فەدەرالدىق مونوپولياعا قارسى قىزمەتتىڭ (ف م ق ق) باسشىسى يگور ارتەميەۆ ءمالىم ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«ءبىز تاريف وتە جوعارى بولۋى مۇمكىن ەكەنىن تۇسىنەمىز، ايتالىق، ءبىر دوزاسى مىڭ رۋبلگە دەيىن. ويتكەنى ۆاكسينالار سالىستىرمالى تۇردە از مولشەردە شىعارىلادى جانە ءوندىرىستى كەڭەيتۋ ءۇشىن ولارعا كاپيتال قاجەت. سوندىقتان، ءبىز بۇل تاريفتى، وزىندىك قۇنىن انىقتاۋ ءۇشىن باعانى، بەلگىلەگەن كەزدە بەلگىلى ءبىر فورمۋلا بولادى دەپ كەلىستىك، ويتكەنى قازىر باسقا ەلدەرمەن سالىستىرۋعا مۇمكىندىك بەرەتىن بازا جوق»، - دەدى ارتەميەۆ.

ف م ق ق باسشىسى تاريفتىڭ ءالى بەلگىلەنبەگەنىن، ءبىراق ونىڭ باعاسى مىڭ رۋبلدەن از بولاتىنىن اتاپ ءوتتى.

«بۇدان ءارى رەفەرەنتتىك ەلدەرگە ارنالعان ينديكاتورلار پايدا بولعان كەزدە باعا تەك تومەندەيتىن بولادى»، - دەپ اتاپ ءوتتى ول.

ەسكە سالا كەتەيىك، «ۆەكتور» ورتالىعى 24 - شىلدەدە رەسەي فەدەراتسياسىنىڭ دەنساۋلىق ساقتاۋ مينيسترلىگىنەن ۆاكسينانى ەرىكتىلەرگە كلينيكالىق سىناقتان وتكىزۋگە رۇقسات الدى. العاشقى ەرىكتىگە 27 - شىلدەدە ەكپە سالىندى. كلينيكالىق زەرتتەۋلەرگە قاتىسقان 20 ەرىكتىدەن تۇراتىن توپ 8 - قىركۇيەكتە اۋرۋحانادان شىعارىلدى. روسپوترەبنادزور باسشىسى اننا پوپوۆا ۆاكسينانىڭ كلينيكالىق سىناقتان ءوتۋى 30 - قىركۇيەكتە اياقتالعانىن حابارلادى. ۆاكسينانى تىركەۋدى 15 - قازانعا دەيىن اياقتاۋ جوسپارلانۋدا.

اۆتور: اياۋلىم التىنبەك