يندونەزياداعى كوك كوزدى تايپا

بۇل ايماققا ءتان ەمەس ادامداردىڭ بولۋى يندونەزيالىق گەولوگ كورچينا پاساريبۋدىڭ ارقاسىندا بەلگىلى بولدى. ادەتتە يندونەزيالىقتاردىڭ كوزى مەن شاشى قارا بولىپ كەلەدى.

2019 -جىلى گەولوگ يندونەزيانىڭ اۋىلدىق جەرلەرىندەگى ومىرگە قىزىعۋشىلىق تانىتقان. وسىدان كەيىن ول كوپتەگەن تايپالار مەن مادەني مۇرالارعا نازار اۋدارا باستادى.

پاساريبۋ 17 -قىركۇيەكتە بۋتون ارالىنا بارىپ، جەرگىلىكتى تۇرعىنداردى سۋرەتكە تۇسىرگەن. «جەرگىلىكتى تايپانىڭ كوگىلدىر كوزدەرى وتە ادەمى، ولار ماعان شابىت بەردى»، - دەيدى گەولوگ.

گەولوگ تايپا مۇشەلەرى فوتوسەسسياعا قۋانا قاتىسقانىن ايتتى. «ولار وتە قاراپايىم جانە سىپايى. سۋرەتكە تۇسۋگە ۇيالمايدى»، - دەدى پاساريبۋ.

تايپا مۇشەلەرىنىڭ اراسىندا ءبىر كوزى قوڭىر، ءبىر كوزى كوك ءتۇستى ادامدار دا بار.

مامانداردىڭ ايتۋىنشا، كوگىلدىر كوزدەر ۆاردەنبۋرگ سيندرومى دەپ اتالاتىن سيرەك كەزدەسەتىن تۇقىم قۋالايتىن اۋرۋدان تۋىندايدى. بۇل سيندروم ەستۋ قابىلەتىنىڭ تومەندەۋىنە جانە شاشتىڭ، تەرىنىڭ جانە كوزدىڭ ءتۇسىنىڭ وزگەرۋىنە سەبەپ بولۋى مۇمكىن. بۇل سونداي- اق، گەتەروحروميانى تۋدىرادى ياعني ادامنىڭ كوزدەرى ءتۇرلى ءتۇستى بولادى.

ۆااردەنبۋرگ سيندرومىنىڭ تايپا مۇشەلەرىندە پايدا بولۋ سەبەبى قازىرگى كەزدە بەلگىسىز.

ايتا كەتەيىك، يندونەزيا - 350 دەن استام ديالەكتى مەن سۋبمادەنيەتى بار ۇلكەن ارحيپەلاگ. بۋتون - اۋدانى 1700 شارشى ميل بولاتىن يندونەزياداعى ەڭ ۇلكەن ارالدىڭ ءبىرى. ونىڭ حالقى 450 مىڭعا جۋىق، كوپشىلىگى شاعىن، وقشاۋلانعان تايپالاردان تۇرادى. ارالدىڭ ءبىرشاما بولىگىن تروپيكالىق ورمان باسقان.

massaget.kz