قىتايدا الىپ ايۋ ءوزىنىڭ جاتتىقتىرۋشىسىنا شابۋىل جاسادى
نۇر-سۇلتان. قازاقپارات - قىتايدا الىپ ايۋ قويىلىم كەزىندە سيرك قىزمەتكەرىنە شابۋىل جاسادى. كۋاگەرلەر تۇسىرگەن كادرلاردى Daily Mail باسىلىمى جاريالادى.
وقيعا قىتايدىڭ پۋيان قالالىق وكرۋگىندە بولعان. كادرلاردا 200 كيلولىق ايۋ باريبالدىڭ جاتتىقتىرۋشىعا قالاي شابۋىل جاساعانى كورىنەدى. سيركتىڭ باسقا قىزمەتكەرلەرى جانۋاردى تاياقپەن ۇرىپ، قۋىپ شىعارۋعا تىرىسقان. وقيعا سالدارىنان ەر ادام ازداپ جاراقات الدى. ونىڭ ومىرىنە ەش قاۋىپ تونگەن جوق. وقيعانىڭ سالدارىنا سەبەپ بولعان جايت: جاتتىقتىرۋشىنىڭ وعان زالدان تاستالعان شۇجىقتى جەۋگە تىيىم سالۋى. اشۋعا بەرىلگەن ايۋ جاتتىقتىرۋشىنىڭ وزىنە شابۋىل جاساپ، كەگىن قايتارعىسى كەلگەن.
