پرايمەريز: الەۋمەتتىك جەلىدە بەلسەندى بولعاندار نەگە جەڭىلىپ قالدى

«پرايمەريز ءوزىنىڭ ءرولىن تولىققاندى ورىندادى. ءبىز ءبىر نارسەنى ءتۇسىنۋىمىز كەرەك، بۇل پرايمەريز قازاقستاننىڭ بۇكىل الەۋمەتتىك، ەكونوميكالىق نەمەسە قوعامدىق- ساياسي ماسەلەسىن شەشىپ تاستايتىن ءادىس- ءتاسىل ەمەس. پرايمەريز - ەلىمىزدە دەموكراتيانىڭ العىشارتىن جاساۋعا ارنالعان ەڭ نەگىزگى ءبىرىنشى قادام. ارينە، ءبىرىنشى قادام بولعاندىقتان، وندا كوپتەگەن كەمشىلىكتەر، شالىس قادامدار بولادى جانە بولا بەرەدى»، - دەدى ساياساتتانۋشى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە.

سپيكەر الەۋمەتتىك جەلىدە بەلسەندى بولعان ۇمىتكەرلەردىڭ نە ءۇشىن جەڭىلگەنىن ءتۇسىندىردى.

«مەن ءوزىم الەۋمەتتىك جەلىنى قولدانامىن، وندا ءوز ويىمدى اشىق جازامىن. ءبىراق ءبىزدىڭ ەلىمىزدە الەۋمەتتىك جەلىنى پايدالانۋ مەن ناقتى ساياسي پروتسەسس - ەكى بولەك نارسە. الەۋمەتتىك جەلىدە 10-20 مىڭ وقىرمانى بار نەمەسە مىڭداعان لايك جينايتىن ازاماتتار قوعامدىق پروتسەسكە كەلگەندە جەڭىلىپ قالۋى ىقتيمال. ويتكەنى، قازىر ەلەكتورات داۋىس بەرەدى. ال ەندى «Nur Otan» پارتياسىنىڭ ەلەكتوراتى - ءداستۇرلى تۇردە ءمۇعالىم، دارىگەر جانە ءىرى كاسىپورىنداردىڭ جۇمىسشىلارى، سولاردىڭ ينجەنەرلىك قۇرامى. ول كىسىلەر الەۋمەتتىك جەلىدە وتىرمايدى. سوندىقتان، الەۋمەتتىك جەلىدە كوپ جۇمىس ىستەگەن ازاماتتار ءوز كۇشىن وسى ناقتى مۇعالىمدەر مەن دارىگەرلەرمەن جۇمىسقا جۇمساۋى كەرەك ەدى. ءبىز وسىنى ءتۇسىنىپ، ليگا ءبىر اي بويى قازاقستانداعى كوپتەگەن جاستارعا ساياسي تەحنولوگيانى قالاي جۇرگىزۋ كەرەكتىگى تۋرالى سەمينار وتكىزدىك. مەن ءوزىم ساباق بەردىم. سوعان قاتىسقان كوپتەگەن ازاماتتار جەڭىپ كەتتى. ياعني، بۇگىنگى تاڭدا پرايمەريز دەگەنىمىز - ەڭ الدىمەن جوبا. بۇدان كەيىن دە كوپتەگەن جوبالار بولا بەرەدى. ارينە، ءبىراز كەمىشىلىكتەر بولدى. كوپتەگەن ادامدار تىكەلەي حالىق داۋىس بەرەدى دەپ ويلاپ، الەۋمەتتىك جەلىدە جۇمىس ىستەدى»، - دەدى ە. سايروۆ.

سونىمەن بىرگە، ساياساتتانۋشى ىشكى سايلاۋدا جەڭبەگەن ازاماتتارعا ۇندەۋ جاسادى.

«ساياساتپەن اينالىسۋ - ءومىر بويعى پروتسەسس. بۇگىن جەڭىلەدى، ەرتەڭ جەڭەدى. ءبىزدىڭ الدىمىزدا ەلەكتورالدىق سيكل تۇر. پارلامەنت پەن ءماجىلىس وتكەن سوڭ، جازدا اۋىلدىق دەڭگەيدەگى اكىمدەردىڭ تىكەلەي سايلاۋى بولادى. مەنىڭشە، قازىرگى ازاماتتىق پرايمەريزگە قاتىسۋ - سول اكىمدىك سايلاۋعا ۇلكەن دايىندىق بولۋى كەرەك»، - دەدى ەرلان سايروۆ.

«Nur Otan» پارتياسىنىڭ حاتشىسى ارمان قىرىقباي «پرايمەريز 2020» ىشكى پارتيالىق ىرىكتەۋىنىڭ نەگىزگى قورىتىندىسىن باياندادى. ونىڭ ايتۋىنشا، پرايمەريزگە ۇزىن سانى 10990 كانديدات قاتىسقان جانە ونىڭ 7143 ءىءوزىن- ءوزى ۇسىنعان. ۇمىتكەرلەردىڭ ورتاشا جاسى - 43. ونىڭ %36,7 استامى - ايەلدەر، %29 - 35 جاسقا دەيىنگى جاستار بولدى.