ۇكىمەت باسشىسى مينيسترلىكتەرگە ءبىرقاتار تاپسىرما جۇكتەدى

«جالپى ۇسىنىلعان تاسىلدەردى ماقۇلداۋ قاجەت دەپ ەسەپتەيمىن. بۇل رەتتە اۋىل شارۋاشىلىعى مينيسترلىگى ءبىر اي ىشىندە نارىقتى وتاندىق ازىق- تۇلىك تاۋارلارىمەن مولايتۋ جونىندەگى كەشەندى جوسپاردى قابىلداسىن»، - دەدى پرەمەر- مينيستر ۇكىمەت وتىرىسىندا.

وسى ورايدا ا. مامين اۋىل شارۋاشىلىعى مينيسترلىگى ەكولوگيا، ۇلتتىق ەكونوميكا، قارجى مينيسترلىكتەرىمەن بىرلەسىپ، ىشكى نارىقتا جەتىسپەيتىن ونىمدەر ءوندىرىسىن ىنتالاندىرۋ جونىندەگى مەملەكەتتىك قولداۋ شارالارىن كەڭەيتۋ ماسەلەلەرىن پىسىقتاپ، بۇل رەتتە بالىق شارۋاشىلىعى سالاسىن دامىتۋ جوسپارلارىن ەسكەرۋدى تاپسىردى.

«وڭىرلەردىڭ اكىمدەرى وسى جوبالاردىڭ ىسكە اسىرىلۋىن جەكە باقىلاۋعا السىن جانە قاجەتتى ينجەنەرلىك ينفراقۇرىلىمدى جۇرگىزۋدى قامتاماسىز ەتسىن، سونداي- اق شيكىزاتتان باستاپ ەكسپورتقا دەيىن بارلىق ماسەلەلەردى ينۆەستورلارمەن پىسىقتاسىن. ساۋدا مينيسترلىگى اۋىل شارۋاشىلىعى، ەكولوگيا، گەولوگيا جانە تابيعي رەسۋرستار مينيسترلىكتەرىمەن بىرلەسىپ، ءوندىرىستى كەڭەيتۋ جونىندەگى مەجەلەنگەن جوسپارلاردى ەسكەرە وتىرىپ، قاجەتتى لوگيستيكانى قامتاماسىز ەتۋ ءارى ىشكى جانە سىرتقى نارىقتا وتاندىق اۋىل شارۋاشىلىعى ونىمدەرىن وتكىزۋدى ىلگەرىلەتۋ جونىندەگى شارالاردى قابىلداسىن»، - دەدى ۇكىمەت باسشىسى.

اۆتور: رۋسلان عابباسوۆ