قىرعىزستان پرەزيدەنتى ەلدەگى ساياسي كۇشتەردى اقىلعا كەلۋگە شاقىردى

بۇل تۋرالى مەملەكەت باسشىسىنىڭ باسپا ءسوز حاتشىسى تولعاناي ستاماليەۆا ءمالىم ەتتى، دەپ حابارلايدى قازاقپارات قىرعىزستاننىڭ كابار اگەنتتىگىنە سىلتەمە جاساپ.

قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ جاعدايدى قاداعالاپ، بارلىق ساياسي كۇشتەردىڭ ەل مۇددەسىن ءوز مۇددەسىنەن جوعارى قويىپ، قوعامنىڭ جىككە بولىنۋىنە، ەل ازاماتتارىن الاڭداتاتىن باسقا دا ماسەلەلەردىڭ بولۋىنا جول بەرمەيتىنىنە سەنىم ءبىلدىردى. ول ەلدى زاڭ اياسىنداعى ومىرگە قايتارۋ ءۇشىن بار كۇشىن سالىپ وتىر. ءبىرىنشى كەزەكتە، بۇل الدىڭعى كۇندەرى ەلدە وتكەن پارلامەنتتىك سايلاۋ قورىتىندىلارىنا قاتىستى.

قىرعىز ەلىنىڭ باسشىسى قالىپتاسقان جاعدايدى ەسەپكە الا وتىرىپ، ەلدىڭ ورتالىق سايلاۋ كوميسسياسىنا زاڭبۇزۋشىلىقتارمەن بايلانىستى ماتەريالداردىڭ بارلىعىن جان- جاقتى زەرتتەۋگە كەڭەس بەردى. بۇل رەتتە ول پارلامەنت سايلاۋىنىڭ ناتيجەلەرىن جوققا شىعارۋعا بولاتىنىن دا جەتكىزدى.