بىشكەكتە سايلاۋ قورىتىندىسىنا كوڭىلى تولماعاندار اق ءۇيدى قورشاپ الدى
بىشكەك. قازاقپارات - بىشكەكتە جوگوركۋ كەنەش دەپۋتاتتارىنىڭ سايلاۋىنا كوڭىلى تولماعان ءبىر توپ ادام اق ۇيگە شابۋىلداپ جاتىر. ولاردى ميليتسيا قۋا باستادى، دەپ حابارلايدى قازاقپارات كابار اگەنتتىگىنە سىلتەمە جاساپ.
ءدال قازىرگى ساتتە اتىلعان قارۋدىڭ داۋسى ەستىلىپ جاتىر. سونداي- اق كوز جاساۋراتاتىن گاز قولدانىلعانى كورىنىپ تۇر. اق ءۇيدىڭ اينالاسىن كۇش قۇرىلىمدارىنىڭ قىزمەتكەرلەرى قورشاپ العان. ىشكى ىستەر مينيسترلىگىنىڭ حابارلاۋىنشا، ميتينگ قاتىسۋشىلارىنىڭ اراسىندا ءسپيرتتى ىشىمدىك ىشكەن ادامدار دا بار، سوندىقتان پوليتسەيلەر حالىقتى ءۇيدى- ۇيىنە تاراۋعا شاقىرعان.
«حالىقتىڭ دەنساۋلىعىنا قاۋىپ توندىرەتىن نەمەسە باسقا دا دەسترۋكتيۆتى جاعدايلار تۋىنداسا، بۇكىل جاۋاپكەرشىلىك ميتينگتى ۇيىمداستىرعاندارعا ارتىلاتىنىن ەسكە سالامىز. ۇيىمداستىرۋشىلاردىڭ اراسىندا بىرنەشە پارتيانىڭ ليدەرلەرى مەن ولاردىڭ بەلسەندى مۇشەلەرى بار. سوندىقتان ازاماتتاردىڭ قاۋىپسىزدىگىن ساقتاپ، ولاردىڭ مازاسىن الماس ءۇشىن نارازىلىق بىلدىرۋشىلەردى تاراۋعا شاقىرامىز» دەلىنگەن ءى ءى م حابارلاماسىندا. ايتا كەتەيىك، كەشە، 4-قازاندا سايلاۋ قورىتىندىسىنا نارازىلىق بىلدىرگەن ادامدار الا- ت و و الاڭىنا شىعىپ، ميتينگ وتكىزگەن بولاتىن.
