ەلىمىزدە قازاق كۇرەسىن دامىتۋ جوسپارى ازىرلەندى
بۇگىن Jekpe-Jek» سارايى بازاسىندا سپورتشىلاردىڭ وقۋ- جاتتىعۋ جيىنى قورىتىندىلاندى. سامات ءابىش عىلىمي- پراكتيكالىق بازانى كۇشەيتۋ، وقۋ باعدارلامالارىن ىسكە اسىرۋ، مامانداردى قايتا دايارلاۋ جانە بىلىكتىلىگىن ارتتىرۋ ءۇشىن قاۋىمداستىق پرەزيدەنتى كارىم ءماسىموۆتىڭ قولداۋىمەن «Qazaq kures» اكادەمياسى قۇرىلعانىن اتاپ ءوتتى. ونىڭ سوزىنشە، نازاربايەۆ زياتكەرلىك مەكتەپتەرىمەن بىرگە 2020-2021 وقۋ جىلىنا ارنالعان قازاق كۇرەسىن دامىتۋ جونىندەگى ءىس- شارالاردىڭ بىرلەسكەن جوسپارى ازىرلەنگەن.
بۇدان باسقا سامات ءابىش قازاق كۇرەسىن ستراتەگيالىق تۇرعىدا ىلگەرىلەتۋ جانە تانىمال ەتۋ ءۇشىن «رۋحاني جاڭعىرۋ» باعدارلاماسى شەڭبەرىندە ىسكە اساتىن «Qazaq kuresى» ارنايى جوباسى ازىرلەنگەنىن ايتتى. بۇگىنگى تاڭدا «Qazaq kures» قاۋىمداستىعى ءبىرىڭعاي ورتالىقتاندىرىلعان باسقارۋ ۇيىمىنا اينالعان. اتالعان سالتاناتتى شاراعا قوناق رەتىندە ق ر مادەنيەت جانە سپورت ۆيتسە- ءمينيسترى ساكەن مۇسايبەكوۆ پەن جاۋىنگەرلىك ونەر قاۋىمداستىعىنىڭ پرەزيدەنتى ءانۋار سادىقۇلوۆ شاقىرىلدى.
