قازاقستاننىڭ كريميناليستەرى ينتەرپولدىڭ ۆيرتۋالدى اكادەمياسىندا وقۋدى باستادى
بۇل تۋرالى ىشكى ىستەر ءمينيسترىنىڭ كەڭەسشىسى نۇردىلدا وراز ءمالىم ەتتى، دەپ حابارلايدى قازاقپارا ءتىلشىسى.
«پوليتسيانىڭ نەگىزگى مىندەتتەرىنىڭ ءبىرى - قىلمىستاردى اشۋ جانە تەرگەۋ. بۇل جۇمىستىڭ تيىمدىلىگىن ارتتىرۋعا ەرەكشە كوڭىل بولىنەدى. مىسالى قازان ايىندا ينتەرپولدىڭ ۆيرتۋالدى اكادەمياسى بازاسىندا بيومەتريا ارقىلى قىلمىستاردى اشۋ داعدىلارىن اشۋ ءۇشىن ءبىزدىڭ كريميناليستەرىمىزدى وقىتۋ باستالدى. دنك- پروفيلدەر مەن داكتيلوسكوپيالىق دەرەكتەرمەن ولاردى تابۋ ماقساتىندا ادامداردى بەينەلەردى الماسۋ جۇمىسى ازىرلەندى. قاتىسۋشىلار بيومەتريالىق دەرەكتەرمەن حالىقارالىق الماسۋ تۋرالى داعدىلارمەن ءبىلىم الادى»، - دەدى نۇردىلدا وراز ونلاين بريفينگ بارىسىندا.
سونىمەن قاتار قازاقستاندىق پوليتسەيلەر باسقا دا ەلدەردىڭ كريميناليستەرىمەن ءوزارا بايلانىس جاساۋ مۇمكىندىگىنە يە بولعان.
«الداعى ۋاقىتتا ينتەرپولدىڭ قىلمىسقا قارسى كۇرەستىڭ جانە ازاماتتاردىڭ قاۋىپسىزدىگىن قامتاماسىز ەتەتىن باسقا دا باعىتتار بويىنشا ۆەبينارلارىن وتكىزۋ جوسپارلانىپ وتىر»، - دەدى ول.
اۆتور: ايان بەكەن ۇلى
