رەسەي قۇراماسىنىڭ ەكس-باپكەرى قازاق فۋتبولشىنىڭ بولاشاعى تۋرالى ايتتى

نۇر-سۇلتان. قازاقپارات - ماسكەۋلىك تسسكا مەن رەسەي قۇراماسىن جاتتىقتىراتىن بەلگىلى باپكەر ۆالەري گاززايەۆ قازاقستاندىق فۋتبولشى باحتيەر زاينۋتدينوۆتىڭ وينىنا باعا بەردى.

«تسسكاعا ناتيجە تۇراقتىلىعى جەتپەي تۇر. كوماندا «زەنيت»، «سپارتاك»، «كراسنودار» مەن «لوكوموتيۆكە» التىن ءۇشىن ايتارلىقتاي باسەكەلەس ەكەنى ايتىلعانىنا كوپ بولعان جوق. الايدا ءبىرقاتار جەڭىستەن كەيىن اياق-استى تۇسىنىكسىز ۇتىلىستار باستالدى. كومانداعا كوشباسشى مىنەزدى ويىنشىلار قاجەت. اكينفەيەۆ - ۆلاشيچ - فەرناندەس ۇشتىگىن ۇنەمى ايتامىز، ءبىراق، مۇنداي ويىنشىلاردان كەمى جەتەۋ كەرەك.

جاڭا فۋتبولشىلار جاعدايدى وزگەرتۋى مۇمكىن. زاينۋتدينوۆ جاقسى اسەر قالدىردى - بۇل جىگىتتىڭ بولاشاعى زور ەكەنى كورىنىپ تۇر. ەدجۋكە دە جىلدام، وزىنە ءتان قايستتەرى بار. دەگەنمەن ول تاكتيكالىق تۇرعىدا يكەمدى ەمەس. ول كوماندالىق ارەكەتتەرگە باۋلۋ قاجەت.

تسسكا جانكۇيرەلەرى كلۋبتارىن بيىكتەن كورۋگە ۇيرەنگەن. ەندى جاڭا ويىنشىلارمەن «اسكەريلەر» جەتىستىكتەرگە جەتەر دەگەن ۇمىتتەمىن»، - دەپ بەردى ماماننىڭ ءسوزىن «سپورت-ەكسپرەسس».