كوروناۆيرۋس: الەمدە كوز جۇمعاندار سانى ميلليونعا جۋىقتادى
نۇر-سۇلتان. قازاقپارات - الەمدە كوروناۆيرۋستان كوز جۇمعان ادامدار سانى ءبىر ميلليونعا جۋىقتادى، دەپ حابارلايدى قازاقپارات دجون حوپكينس ۋنيۆەرسيتەتىنە سىلتەمە جاساپ.
ۋنيۆەرسيتەتتىڭ مالىمەتىنشە، جالپى ىندەنتتەن قايتىس بولعاندار سانى 996096 عا جەتتى.
ۆيرۋستىڭ تارالۋى بويىنشا الەمدە ءبىرىنشى ورىندا ا ق ش (7110781 ادام جۇقتىرعان)، ەكىنشى ورىندا ءۇندىستان (5992532 ادام جۇقتىرعان) جانە ءۇشىنشى ورىندا برازيليا (4717991) تۇر.
