قۋات حاميتوۆ رەسەيلىك سپورتشىنى ءبىرىنشى راۋندتا جەڭدى
بۇل ارالىق سالماقتاعى جەكپە-جەك حاميتوۆتىڭ مەرزىمىنەن بۇرىن جەڭىسىمەن اياقتالدى: ول ءبىرىنشى راۋندتا تۇنشىقتىرۋ ادىسىمەن جەڭدى. بۇل - قۋات حاميتوۆتىڭ كاسىبي مانسابىنداعى 19-شى جانە سوڭعى ءتورت جىلداعى العاشقى جەڭىسى. احماد-حان بوكوۆ م م ا- دا بەسىنشى رەت ءسۇرىندى. Fight Nights Global-دىڭ YouTube رەسمي كانالىندا جەكپە-جەكتىڭ تولىق نۇسقاسى كورسەتىلدى.
32 جاسار قازاقستاندىق 2019 -جىلدىڭ ءساۋىر ايىندا ازەربايجاندىق ناريمان ابباسوۆتان (24-3) جەڭىلىس تاپقاننان كەيىن رينگكە شىقپاعان. حاميتوۆتىڭ سوڭعى جەڭىسىنە كەلەتىن بولساق، ول 2016 -جىلدىڭ 16 جەلتوقسانىندا بولدى - سابميشنمەن ءۇشىنشى راۋندتا رەسەيلىك گادجي رابادانوۆتى جەڭدى (14-3-1).
وسىدان كەيىن قۋات 2017 -جىلى يرلانديالىق پيتەر كۋيلليدەن (12-5-1) باسىم تۇسكەن ەدى، ءبىراق كەيىننەن بۇل جەكپە-جەكتىڭ ناتيجەسى قايتا قارالىپ، ەكەۋى تەڭ ءتۇستى دەلىندى.
اۆتور: گۇلزات اقجولوۆا
