سۋپەر اۋىر سالماقتاعى قازاقستاندىق نوكاۋتشى جەڭىلمەگەن امەريكالىقپەن جەكپە-جەككە شىعادى

نۇر-سۇلتان. قازاقپارات - قازاقستاندىق كاسىپقوي بوكسشى جان كوسوبۋتسكي (14-0، 13 ك و) تيتۋلدى جەكپە-جەكتە امەريكالىق دجەيمس ماككەنزي مورريسونمەن (17-0-2، 15 ك و) جۇدىرىقتاسۋى مۇمكىن، - دەپ حابارلايدى Vesti.kz.

31 جاستاعى بوكسشى IBO Inter- Continental بەلبەۋىن ءبىرىنشى رەت قورعاعالى جاتىر.

ون راۋندتىق كەزدەسۋ 17- قازان ديۋسسەلدورفتا وتەدى. بۇل ايقاستا ساراپقا سالىناتىن ەكىنشى بەلبەۋ - IBF تيتۋلىنىڭ ەۋروپالىق نۇسقاسى. 30 جاستاعى امەريكالىق بوكسشى تيتۋل ءۇشىن العاش رەت جۇدىرىقتاسادى.

مورريسون بارلىق جەكپە-جەكتەرىن ا ق ش- تا وتكىزىپ، ەشقايسىندا جەڭىلمەگەن (ەكى رەت تەڭ ءتۇستى). كوسوبۋتسكي بولسا، گەرمانيا جەرىندە بۇرىن دا جۇدىرىقتاسىپ، چەمپيوندىق بەلبەۋىن نوكاۋتپەن جەڭىپ العان.

مۇنىڭ الدىندا قازاقستاندىق بوكسشىنىڭ قارسىلاسى 31 جاستاعى بەلگيالىق دجوەل تامبۋ دجەكو (17-2-1، 8 ك و) بولۋى مۇمكىن ەكەنى ايتىلعان. قازىر كوسوبۋتسكي گەرمانياعا اتتانۋ ءۇشىن قۇجاتتارىن رەتتەپ جاتىر.