جەك ما قىتايداعى ەڭ باي ادام مارتەبەسىنەن ايىرىلدى
نۇر-سۇلتان. قازاقپارات - Alibaba نەگىزىن قالاۋشى جەك ما قىتايداعى ەڭ باي ادام مارتەبەسىنەن ايىرىلدى، - دەپ حابارلايدى Business Today.
ونى بوتەلكەدەگى سۋ وندىرەتىن Nongfu Spring كومپانياسىنىڭ نەگىزىن قالاعان چجۋن شانشان باسىپ وزدى.
قىتايدا بوتەلكە سۋ وندىرەتىن ەڭ ءىرى Nongfu Spring كومپانياسىنىڭ نەگىزىن قالاۋشى چجۋن شانشان قازىرگى ۋاقىتتا ازياداعى ەكىنشى باي ادام سانالادى. ول Reliance Industries Ltd (RIL) باس ديرەكتورى مۋكەش امبانيدەن كەيىن تۇر.
Bloomberg Billionaires Index يندەكسىنە سايكەس، شانشاننىڭ بايلىعى - 58,7 ميلليارد دوللار.
قازىرگى ۋاقىتتا ول امەريكالىق فيل نايت پەن چارلز كوحتان سىندى ميللياردەرلەردى وزىپ، ەڭ باي ادامداردىڭ جالپى تىزىمىندە 17-ورىنعا ورنالاستى.
ال جاعدايى 56,7 ميلليارد دوللارعا باعالانعان جەك ما قىتايدىڭ باي ادامدارىنىڭ رەيتينگىندە ەكىنشى ورىنعا ءتۇستى.
