«قىمبات جاندار»: جوعالعان جاندارى ىزدەۋگە ارنالعان تەلەجوبا ەفيرگە شىعادى
جوبانىڭ باستى ماقساتى - ءتۇرلى جاعدايدا جاقىندارىن جوعالتقان كەيىپكەرلەرگە بارىنشا قولداۋ كورسەتىپ، ءتيىستى مەكەمەلەردىڭ تىكەلەي كومەگىمەن حابار الۋعا قولۇشىن بەرۋ.
«قازاقستاندا سوڭعى 5 جىلدا 13 مىڭ ادام ءىز-ءتۇزسىز كەتكەن. ەلىمىزدە اي سايىن 220 ادام جاقىندارىنان الىستايدى. بۇل - كوڭىلگە كىربىڭ ۇيالاتاتىن ستاتيستيكا. ءىز-ءتۇزسىز جوعالعان ءار ادامنىڭ تاعدىرى دا ءار قيلى. كەي ادام اشۋ ۇستىندە جاقىندارىنان باز كەشىپ، وتباسىنان كەتىپ قالسا دا، ارادا كوپ جىل وتكەن سوڭ قايتا تابىسقىسى كەلەدى. ءبىزدىڭ ماقساتىمىز - سول جانداردىڭ وتباسىنا ورالۋىنا جاردەمدەسۋ. «قىمبات جاندار» - تاعدىردىڭ جازۋىمەن ءبىر-بىرىنەن قول ءۇزىپ قالعانداردى قاۋىشتىراتىن الاڭ. قازىردىڭ وزىندە رەداكسياعا ءتۇرلى حاتتار كەلىپ تۇسۋدە. ەڭ وكىنىشتىسى، ولاردىڭ اراسىندا اناسىنان اجىراپ قالعان بالالار بار»، - دەيدى باعدارلاما جۇرگىزۋشىسى قىمبات دوسجان.
قازاقستاندىقتار باعدارلاماعا 77075355383 + WhatsApp ءنومىرى بويىنشا نەمەسە [email protected] ەلەكتروندى پوشتاسى ارقىلى ءوز وقيعاسىن جولداي الادى. جوبا ۇلتتىق ارنادان 27-قىركۇيەكتەن باستاپ ءار جەكسەنبى كۇنى ساعات 12:00 دە ەفيرگە شىعادى.