قىتايدىڭ كوروناۆيرۋسقا قارسى ۆاكتسيناسىنىڭ باعاسى بەلگىلى بولدى

«China National Biotech Group ازىرلەگەن ەكى ۆاكتسينا بيىلعى جىلدىڭ جەلتوقسان ايىندا نارىققا شىعادى دەپ جوسپارلانىپ وتىر. ۆاكتسينالاردىڭ ەكى دوزاسى 1000 يۋاننان تومەن بولادى»، - دەدى CNBG باس زاڭ كەڭەسشىسى جۋ سۋن.

ونىڭ ايتۋىنشا، كومپانيانىڭ ەكى ۆاكتسيناسى ب ءا ا، باحرەين، پەرۋ، موروككو، ارگەنتينا جانە يوردانيانى قوسا العاندا، 10 نان استام ەلدە قاۋىپسىزدىگى مەن تيىمدىلىگى تەكسەرىلەتىن سىناقتىڭ ءۇشىنشى كەزەڭىنەن وتۋدە.

«ۆاكتسيناتسيالانعان ون مىڭداعان ادام COVID-19 ىندەتىن جۇقتىرۋ قاۋپى جوعارى ەلدەر مەن ايماقتارعا ساپار شەكتى. وسى ۋاقىتقا دەيىن ولاردىڭ ەشقايسىسى اۋرۋ جۇقتىرماعان. بۇل ۆاكتسينالاردىڭ تيىمدىلىگىن دالەلدەيدى»، - دەپ اتاپ ءوتتى جۋ سۋن.

CGTN ماتەريالىندا كلينيكالىق زەرتتەۋلەردىڭ ناتيجەلەرى CNBG ۆاكتسيناسىنىڭ ەكى دوزاسىن ەكى- ءتورت اپتا ارالىعىندا العان ادامداردا العاشقى دوزادان جەتى كۇن وتكەن سوڭ انتيدەنەلەر تۇزىلگەنىن كورسەتتى. CNBG ۆاكتسينالارى ادامدى كوروناۆيرۋستان 1-3 -جىل ارالىعىندا قورعاي الادى. بەس ايدان استام ۋاقىت بۇرىن ۆاكتسيناتسيالانعان العاشقى 180 ەرىكتىنى باقىلاۋ كەزىندە بۇل توپتاعى انتيدەنەلەر دەڭگەيىنىڭ «جوعارى شەكتە جانە ولاردىڭ تومەندەۋ بەلگىلەرى جوق» ەكەنىن كورسەتتى. سونىمەن قاتار، CNBG ولاردىڭ ۆاكتسينالارى COVID-19-دىڭ بارلىق شتامىن قورعاۋعا قابىلەتتى ەكەنىن ايتتى.

«شىنىندا دا، ۆيرۋستىڭ مۋتاتسياعا ۇشىرايتىن بىرنەشە كىشى تۇرلەرى بار، ءبىراق ونىڭ نەگىزگى گەندىك تىزبەگى مەن اقۋىز قۇرىلىمى تۇبەگەيلى وزگەرگەن جوق. ۆاكتسينالار الداعى بىرنەشە جىلدا وسى مۋتاتسيالانعان ۆيرۋستارمەن كۇرەسۋدە ەشقانداي قيىندىق تۋعىزبايدى»، - دەدى CNBG باس زاڭ كەڭەسشىسى جۋ سۋن.

«China National Biotec Group» كومپانياسىنىڭ جىلدىق وندىرىستىك قۋاتى - 300 ميلليون دوزانى قۇرايدى. ءۇش- التى ايدان كەيىن ۆاكتسينالار ءوندىرىسىن 1,3 ميلليارد دوزاعا دەيىن ۇلعايتۋى مۇمكىن.