ۇلگىلى اكە بولۋعا كومەكتەسەر كەڭەس جيناقتالعان كىتاپ جارىققا شىقتى
نۇر-سۇلتان. قازاقپارات - ق ر پرەزيدەنتى جانىنداعى ايەلدەر ءىسى مەن وتباسىلىق-دەموگرافيالىق ساياسات بويىنشا ۇلتتىق كوميسسيانىڭ باستاماسىمەن جانە ب ۇ ۇ حالىق قورىنىڭ قولداۋىمەن «قالايشا ويلى جار ءارى اكە بولۋ كەرەك؟» تاقىرىبىنداعى كەڭەستەردەن جيناقتالعان تۋىندى تانىستىرىلدى، دەپ حابارلايدى قازاقپارات ءتىلشىسى.
كىتاپتى بىرنەشە اۆتور جازىپ شىققان. اتاپ ايتقاندا، زاڭ عىلىمدارىنىڭ كانديداتى، قۇقىقتانۋ عىلىمىنىڭ دوتسەنتى ميرا جاسقايرات، پسيحولوگيا عىلىمدارىنىڭ كانديداتى، دوتسەنت مايرا قاباقوۆا، قوعامدىق دەنساۋلىق ساقتاۋ ماگيسترى يۋليا لىسەنكوۆا، دارىگەر، زاڭ باكالاۆرى سەرىك تاڭىربەرگەنوۆ، مەديتسينا عىلىمدارىنىڭ دوكتورى، پروفەسسور گاۋحار ءابۋوۆا، الەۋمەتتىك ءوزارا ارەكەتتەستىك بويىنشا ساراپشى، تۇلعانى دامىتۋ سالاسىنداعى پسيحولوگ ەربول يسمايلوۆ، پسيحولوگيا ماگيسترى، تۇلعانى دامىتۋ سالاسىنداعى ساراپشى ەرلان مۇستافين، سەرتيفيكاتتالعان بيزنەس- جاتتىقتىرۋشى قايسار ماقاننىڭ اتسالىسۋىمەن وسىنداي كىتاپ جارىققا شىعىپ وتىر. اۆتورلاردىڭ ايتۋىنشا، بۇل جيناق اكەلىككە اياق باسقان ەر ادامدارعا ارنالادى.
«كىتاپتى شىعارۋ بارىسىندا ءبىز اكە بولۋدىڭ تابيعاتىن زەرتتەدىك. پسيحولوگيا سالاسىنا، ونىڭ ىشىندە ەر ادامداردىڭ اكەلىككە دايىندىعى، اتا-انالاردىڭ قۇقىقتىق قارىم-قاتىناسىن رەتتەۋىنە ەرەكشە ءمان بەردىك»، - دەيدى اۆتورلار.
ياعني كىتاپتى شىعارۋداعى باستى ماقسات - اكەلەردى كەڭەسپەن قولداۋ بولىپ وتىر.
«ەر ادامداردىڭ اكە بولۋ الدىنداعى جاۋاپكەرشىلىگى وراسان زور رەسۋرس بەرەتىنىن ءتۇسىنۋ كەرەك. اكە بولعان ازاماتتىڭ ءوز-وزىنە دەگەن سەنىمى نىعايا تۇسەدى»، - دەلىنگەن كىتاپتىڭ كىرىسپەسىندە.
اكەلەر جايلى كىتاپپەن مىنا سىلتەمەدە تانىسۋعا بولادى.
