ورالدا ازىق-تۇلىك تيەلگەن اۆتوكەرۋەن ەلورداعا جول تارتتى

ب ق و اۋىل شارۋاشىلىعى باسقارماسى باسشىسىنىڭ ورىنباسارى دەنيس وماشەۆتىڭ ايتۋىنشا، جارمەڭكە 12-13- قىركۇيەك كۇندەرى وتەدى.

باتىس قازاقستان وبلىسىنان جارمەڭكەگە 85 اۋىل شارۋاشىلىعى تاۋارىن ءوندىرۋشى قاتىسپاقشى.

نۇر-سۇلتان قالاسىنا بارلىعى 92 توننا ءونىم جەتكىزىلمەكشى.

اتاپ ايتقاندا، ەلوردالىقتارعا 30 توننا سيىر جانە جىلقى ەتى، 15 توننا شۇجىق پەن قالبىر ونىمدەرى، 10 توننا بالىق، 20 توننا ۇن مەن ماكارون ونىمدەرى، 2 مىڭ ليتر وسىمدىك مايى مەن 2 توننا سارى ماي، 1 مىڭ ليتر قىمىز، 5 مىڭ ليتر سۋسىن، 50 مىڭ داناداي جۇمىرتقا، 5 كونديتەر ونىمدەرى ۇسىنىلماقشى.

جارمەڭكەگە وبلىستىڭ بارلىق اۋدانىنان كاسىپكەرلەر بارىپ، قولجەتىمدى باعامەن ەكولوگيالىق جاعىنان تازا ونىمدەرىن سورەگە قويماقشى.

ەسكە سالا كەتەيىك، بۇدان بۇرىن باتىس قازاقستاندا 250 مىڭ تونناعا جۋىق استىق جينالعانىن جازعان ەدىك.