قازاقستاندا كيىم شىعارۋ ازايدى، باعالار ءوسىپ جاتىر

بۇل رەتتە ونەركاسىپ ءوندىرىسىنىڭ يندەكسى نەبارى 98,7 پايىزعا جەتكەن، بۇل وسى سالانىڭ جۇمىسى كەرى كەتىپ بارا جاتقانىن كورسەتەدى.

بۇل تۋرالى قازاقپارات energyprom.kz سايتىنا سىلتەمە جاساپ حابارلايدى.

جالپى العاندا، 2019-جىلى ءوندىرىس كولەمى 42,3 ميلليارد تەڭگەگە جەتكەن، بۇل 2018-جىلمەن سالىستىرعاندا 19,8 پايىزعا كوپ. قازاقستان ايماقتارى اراسىندا كيىم ءوندىرىسى الماتى وبلىسىندا (4,9 ميلليارد تەڭگە)، ودان كەيىن شىمكەنتتە (3,3 ميلليارد تەڭگە) جانە الماتىدا (3,2 ميلليارد تەڭگە) جاقسى دامىعان.

وتكەن جىلمەن سالىستىرعاندا، ءوسىم شىمكەنتتە (%40,4)، سونداي-اق جامبىل وبلىسىندا (%36,8) جانە قىزىلوردا وبلىسىندا (%32,8) بايقالعان.

قازاقستاندىق كيىم تىگۋشىلەر اراسىندا نارەستەلەرگە ارنالعان كيىم جانە اكسەسسۋارلار ءوندىرىسى ايتارلىقتاي قىسقارعان - 44 پايىز (7,9 ميلليون تەڭگەگە دەيىن). سونداي-اق جەمپىرلەر، پۋلوۆەر، كارديگاندار جانە تريكوتاجدان تىگىلگەن باسقا دا كيىمدەردىڭ ءوندىرىسى 40,5 پايىزعا، 58,1 داناعا دەيىن قىسقاردى.

وقۋشىلاردىڭ مەكتەپ فورماسىن تىگۋشىلەر دە ۇلكەن شىعىن كورىپ وتىر. قازاقستاندا كوروناۆيرۋس پاندەمياسى سالدارىنان مەكتەپ فورماسىن كيۋ تالابى الىندى، بالالار كيىمىن ساتۋ 95 پايىزعا ازايعان. بۇل رەتتە ەلىمىزدە كيىم باعاسى جىلدان جىلعا قىمباتتاپ بارادى.

وسىلايشا، 2020-جىلدىڭ قاڭتار-تامىز ايلارىنىڭ قورىتىندىسى بويىنشا، بولشەك ساۋدا ورىندارىندا كيىم باعاسى وتكەن جىلدىڭ وسىنداي كەزەڭىمەن سالىستىرعاندا 4,6 پايىزعا وسكەن.