عالىمدار كوروناۆيرۋستى جىلقىنىڭ انتيدەنەسىمەن ەمدەمەك

كلودوميرو پيكادو (Instituto Clodomiro Picado, ICP) ينستيتۋتىنىڭ عالىمدارى جىلقىلارعا SARS- CoV-2 ۆيرۋسىن جۇقتىرىپ، ونداعى تۇزىلگەن انتيدەنەنى العان. انتيدەنەلەردىڭ كومەگىمەن 26 ناۋقاسقا سىناق جۇرگىزگەن.

عالىمدار جىلقىنىڭ انتيدەنەسى ارقىلى باسقا دا ءدارى- دارمەكتەردىڭ جاسالاتىنىن ايتادى. مىسالى، جىلان شاققاندا قولدانىلاتىن جىلقى انتيدەنەسىنىڭ نەگىزىندە جاسالعان ۋ قايتارعىش بار.

«ءبىزدىڭ ءونىم تالاي ادامنىڭ ءومىرىن قۇتقارىپ قالاتىنىنا سەنەمىز. ويتكەنى قازىرگى تاڭدا حالىق ۆاكتسيناعا جەتە الماي وتىر. وزگە ەلدەر سەكىلدى ۆاكتسينانى ساتىپ الۋدا كەزەكتە تۇرماي، ءوز كۇشىمىزبەن ءدارى جاساپ شىعارامىز»، - دەيدى جوبا جەتەكشىسى البەرتو الاپە.

بۇعان ۇقساس تاجىريبەنى ارگەنتينا مەن برازيليا دا وتكىزىپ جاتىر. ال بەلگيادا جىلقىنىڭ ورنىنا لامانى سىناقتان وتكىزىپ جاتىر.

بۇل زەرتتەۋلەر ناتيجە كورسەتىپ جاتسا، كوستا- ريكا عالىمدارى ورتالىق امەريكانىڭ كەدەي ەلدەرىمەن وسى ارزان ەمدىك تۇرىمەن بولىسۋگە دايىن ەكەنىن جەتكىزدى. «ءبىز پاندەميا كەزىندەگى ءال- اۋقاتىمىز كورشىلەرىمىزدىڭ ءال- اۋقاتىمەن بايلانىستى ەكەنىن تۇسىنەمىز»، - دەيدى الاپە.

massaget.kz