ماسكەۋدە قازاقستان مەن رەسەي س ءى م باسشىلارىنىڭ كەزدەسۋى ءوتىپ جاتىر
تاراپتار ءبىرقاتار باعىتتار بويىنشا قارقىندى بايلانىستاردى، ساياسي ديالوگ پەن ءوزارا ءىس- قيمىلدى جالعاستىراتىنىن مالىمدەدى.
«بىزدە ەكى جاقتى بايلانىستار تۇرعىسىنان العاندا جىلدىڭ ەكىنشى جارتىجىلدىعى ءبىرقاتار ءىس- شاراعا تولى. ءبىز كوكشەتاۋدا ايماق ارالىق ىنتىماقتاستىق فورۋمىن جوعارى دارەجەدە وتكىزە الامىز دەپ ۇمىتتەنەمىز. سونداي- اق ساۋدا- ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ وتىرىسىن قوسا العاندا، باسقا دا ءىس- شارالار ءوز دەڭگەيىندە وتەتىنىنە سەنىمدىمىز»، - دەپ اتاپ ءوتتى س. لاۆروۆ.
«فەدەراتسيا كەڭەسىنىڭ ءتوراعاسى ۆالەنتينا ماتۆيەنكونىڭ قازاقستانعا ساپارىن قوسا العاندا، ءبىرقاتار ساپارلار جوسپارلانعان. ارينە، ءبىزدىڭ مينيسترلىكتەر ب ۇ ۇ، ە ق ى ۇ جانە باسقا دا حالىقارالىق ۇيىمداردىڭ كۇن تارتىبىنە شىعارىلاتىن ماسەلەلەردى ۇنەمى تەكسەرىپ وتىرادى. ولاردىڭ قاتارىندا ەۋرازيالىق ەكونوميكالىق ينتەگراتسيا، ت م د قىزمەتى، ۇ ق ش ۇ تاقىرىبى دا بار»، - دەدى ر ف س ءى م باسشىسى.
ر ف سىرتقى ىستەر مينيسترلىگى رەسەيلىك جوعارى وقۋ ورىندارىندا ءبىلىم الىپ جۇرگەن قازاقستاندىق ستۋدەنتتەردىڭ كىرۋى ءۇشىن شەكارانىڭ اشىلۋىنا بايلانىستى وڭ شەشىمدى كۇتىپ وتىر.
«رەسەيدە ءبىلىم الىپ ءجۇرىپ، بۇل پروتسەستى جالعاستىرعىسى كەلگەن جانە ەلدىڭ ج و و- نا ەندى عانا وقۋعا تۇسكەن شەتەلدىك ستۋدەنتتەرگە بايلانىستى تۋىنداعان پروبلەما ارنايى قارالدى»، - دەدى رەسەي سىرتقى ىستەر ءمينيسترى سەرگەي لاۆروۆ ق ر س ءى م باسشىسى مۇحتار تىلەۋبەردىمەن ەكىجاقتى كەزدەسۋ قورىتىندىلارى بويىنشا وتكەن باسپا ءسوز ءماسليحاتى كەزىندە.
«شەشىم رەسەيدىڭ سىرتقى ىستەر جانە ءبىلىم مينيسترلىكتەرىنىڭ بىرلەسكەن ۇسىنىستارى نەگىزىندە قابىلداندى. ءبىز بارلىق ەلدىڭ، سونىڭ ىشىندە قازاقستان ستۋدەنتتەرىنىڭ بىزگە وقۋعا كەلەتىندەردىڭ اراسىندا ءبىرىنشى بولعانىن قالايمىز. ناقتى مەرزىم الداعى ۋاقىتتا بەلگىلى بولادى»، - دەپ اتاپ ءوتتى س. لاۆروۆ.
«مۇنداعى وي - اپتا سايىن ەلگە كەلەتىن ستۋدەنتتەردىڭ سانىن ءبولۋ. مەن بۇل ماسەلەنىڭ ءبىر ايدىڭ ىشىندە شەشىلەتىنىنە سەنەمىن»، - دەدى رەسەيلىك س ءى م باسشىسى.
س. لاۆروۆ سونداي- اق قازاقستان مەن رەسەي اراسىنداعى شەكارانىڭ اشىلۋى ءبىر- بىرىمەن ۇنەمى بايلانىستا جۇرگەن ەپيدەميولوگيالىق بيلىك شەشىمدەرىنە بايلانىستى ەكەنىن قوسىپ ءوتتى. «جالپى تۇسىنىك بار - ءبارىمىز قالىپتى ومىرىمىزگە تەزىرەك ورالعىمىز كەلىپ وتىر. كوروناۆيرۋسقا قارسى كۇرەس پەن پاندەمياعا قاتىستى جالپى جاعداي وسىنى الداعى بولاشاقتا ىسكە اسىرۋعا مۇمكىندىك بەرەتىنىنە ۇمىتتەنەمىن»، - دەپ تۇيىندەدى مينيستر.
اۆتورى: نارىمبەك يسماعۇلوۆ
