سولتۇستىك قازاقستاندا سوقتىعىسقان ەكى كولىكتىڭ ءبىرى جانىپ كەتتى

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 8-قىركۇيەك، ساعات 20.40 مينۋت شاماسىندا بولعان. پەتروپاۆل قالاسىنىڭ سىرتىنداعى اينالما جولدا، شاحوۆسكوە ەلدى مەكەنىنە بۇرىلىستا پەتروپاۆل قالاسىنىڭ 20 جاستاعى تۇرعىنى باسقارعان Honda Accord پەنتولماچيەۆكا ەلدى مەكەنىنىڭ 60 جاستاعى تۇرعىنىنىڭ Volkswagen Jetta كولىگى سوقتىعىسىپ قالعان. سالدارىنان Volkswagen Jetta وقيعا ورنىندا جانىپ كەتتى.

«جول-كولىك اپاتىنا جەدەل جاردەم قىزمەتىنىڭ ەكى كولىگى شاقىرتىلدى. اۆتوكولىكتەردە بولعان 1960 جانە 1998 -جىلى تۋعان جولاۋشى ايەلدەر ەمدەۋ مەكەمەلەرىنە جەتكىزىلىپ، سول جەردە ءتيىستى كومەك العاننان كەيىن ۇيلەرىنە جىبەرىلدى»، - دەلىنگەن باسپا ءسوز حابارلاماسىندا. مەديتسينالىق كۋالاندىرۋدان وتكەن جۇرگىزۋشىلەردىڭ سپيرتتىك ىشىمدىك ىشپەگەنى بەلگىلى بولدى. قازىر جول-كولىك وقيعاسىنا بايلانىستى اكىمشىلىك ماتەريال پەتروپاۆل قالالىق پوليتسيا باسقارماسىنىڭ اكىمشىلىك بولىمىنە تاپسىرىلدى.

اۆتور: اقەركە داۋرەنبەك قىزى