ۋاقىتشا جۇمىس ىستەمەيتىن ادام زەينەتاقى قارجىسىن پايدالانا الا ما
«مەن 47 جاستامىن. مەنىڭ زەينەتاقى قورىمدا 4 ميلليون تەڭگە بار، ياعني ءۇي الۋ ءۇشىن پايدالانۋعا بولاتىنداي ارتىق قاراجاتىم بار. ءبىراق ءبىر جىلدان استام ۋاقىت بويى زەينەتاقى قورىنا اقشا اۋدارعان جوقپىن. باسپانا الاتىن جاعدايدا ول قاراجاتتى پايدالانا الام با، الدە سوڭعى ءبىر جىلدا زەينەتاقى قورىنا اقشا اۋدارماعانىم كەدەرگى بولا ما؟».
Tengri TV- دە وتكەن تىكەلەي ەفيردە وقىرمان تاراپىنان وسىنداي سۇراق قويىلدى.
«زەينەتاقى قورىنداعى قاراجاتتى پايدالانۋ بويىنشا باستى نازاردا جيناقتا جەتكىلىكتى قاراجات جينالعانىنا نازار اۋدارىلادى. ەگەر جيناقتا قاراجاتىڭىز جەتكىلىكتى بولسا، ءتيىستى بولىگىن پايدالانا الاسىز. دەگەنمەن، اي سايىن زەينەتاقى قورىنا اقشا اۋدارۋعا ءمان بەرۋ كەرەك، سەبەبى اي سايىنعى اۋدارىمىڭىز از بولعان سايىن بازالىق زەينەتاقىڭىز دا از بولادى. ال ءۇي الۋعا قاتىستى كەلەر بولساق، بانك ءسىزدىڭ تولەم قابىلەتىڭىز بار ەكەنىن تۇراقتى تابىس كوزىڭىز بار ەكەنىنە، اي سايىن زەينەتاقى قورىنا اقشا اۋدارىلىپ تۇرعانىنا بايلانىستى باعالايدى»، - دەيدى ق ر ەڭبەك جانە الەۋمەتتىك قورعاۋ مينيسترلىگىنىڭ وكىلى ۆيكتوريا شەگاي.
بۇدان بۇرىن حابارلانعانداي، ءبىرجان نۇرىمبەتوۆ زەينەتاقى جيناعىن پايدالانۋعا قاتىستى تۇسىنىك بەرىپ، ونى كىمدەر الاتىنىن ايتقان ەدى. سونداي-اق، زەينەتاقى جيناعىن شەشىپ الۋ ءۇشىن وندا قانشا اقشا بولۋى كەرەك ەكەنى تۋرالى دا جازىلدى.
اۆتور: زارينا قاھارمان
