فۋتبول: قازاقستان جاستارى سىرت الاڭدا يزرايلدى جەڭدى
بۇگىنگى كەزدەسۋدە قازاقستاندىق جاستار جەڭىسكە جەتۋگە بار كۇشىن سالدى. قارسىلاستار قاقپاسى ماڭىندا ءجيى شابۋىل ۇيىمداستىردى. ناتيجەسىندە 45-مينۋتتا ەلحان استانوۆ الاڭ يەلەرى قاقپاسىنا گول سوقتى.
ەكىنشى كەزەڭدە يزرايلدىك فۋتبولشىلار تارازى باسىن تەڭەستىرۋگە ۇمتىلدى. ويىننىڭ 90-مينۋتىندا الاڭ يەلەرى قازاقستان قۇراماسى قاقپاسىنان ساڭىلاۋ تاپتى. ارادا كوپ وتپەستەن ورالحان ومىرتايەۆ جەڭىس گولىنىڭ اۆتورى اتاندى.
وسىلايشا قازاقستان جاستارى سىرت الاڭدا يزرايلدى 2:1 ەسەبىمەن تىزە بۇكتىردى. ىرىكتەۋ ساتىسىن قازاقستاندىق فۋتبولشىلار ءساتتى باستاعان ەدى. الدىمەن سىرت الاڭدا فارەر ارالدارىن 3:1، چەرنوگوريانى 2:1 ەسەبىمەن ءسۇرىندىردى. ودان كەيىن ءوز الاڭىندا يسپانيادان 0:1، يزرايلدەن 1:2 ەسەبىمەن جەڭىلىپ قالدى.
ال بەسىنشى كەزدەسۋىندە سولتۇستىك ماكەدونيامەن 1:1 ەسەبىمەن تەڭ تارقاستى. ال التىنشى ويىندا ءوز الاڭىندا چەرنوگورياعا 0:4 ەسەبىمەن جەڭىلدى. سول جولى يزرايل سىرت الاڭدا فارەر ارالدارىنا 1:3 ەسەبىمەن ەسە جىبەردى. ەندى قازاقستان جاستار قۇراماسى ءۇش ويىن وتكىزەدى.
الدىمەن 8- قازاندا ءوز الاڭىندا سولتۇستىك ماكەدونيامەن كەزدەسسە، 13- قازاندا سىرت الاڭدا يسپانيامەن جاسىل الاڭعا شىعادى. سوڭعى ويىنىندا 17- قاراشادا فارەر ارالدارىن قابىلدايدى.
ەستەرىڭىزگە سالا كەتەلىك، 21 جاسقا دەيىنگى جاستار قۇرامالارى اراسىنداعى ەۋروپا چەمپيوناتى 2021-جىلدىڭ 9-26- ماۋسىم ارالىعىندا ۆەنگريا جانە سلوۆەنيادا وتكىزىلەدى. وندا بارلىعى 16 قۇراما باق سىنايدى.
