تۇركىستاندا كوروناۆيرۋستىڭ ەكىنشى تولقىنىنا دايىندىق جۇمىستارى جۇرگىزىلۋدە

دەگەنمەن، وبلىستىڭ بارلىق مەديتسينالىق مەكەمەلەرىندە كوروناۆيرۋستىق ينفەكتسيامەن كۇرەس جۇمىستارى بەكىتىلىپ، ەكىنشى تولقىنىنا دايىندىق جۇمىستارى جۇرگىزىلۋدە، دەپ حابارلايدى قازاقپارات.

ىندەتتىڭ ءورشۋى ورىن الا قالعان جاعدايدا مەديتسينا قىزمەتكەرلەرى دايىن بولۋى ءتيىس. وبلىستىق قوعامدىق دەنساۋلىق باسقارماسىنىڭ مالىمەتىنشە، بۇل ماقساتتا جەرگىلىكتى بيۋجەت پەن گۋمانيتارلىق كومەك ارقىلى 800 گە جۋىق وتتەگى كونتسەنتراتى الىنعان. قارقىندى تەراپيا پالاتالارى ءبىر جارىم مىڭعا جۋىق وتتەگى نۇكتەلەرىمەن جاساقتالعان. ەپيدەميولوگيالىق جاعداي ەسكەرىلە وتىرىپ، وبلىستىڭ مەديتسينالىق ۇيىمدارى مەن «س ك- فارماتسيا» ج ش س- ءى اراسىندا دارىلىك زاتتار مەن مەديتسينالىق بۇيىمداردى جەتكىزىپ بەرۋگە قوسىمشا كەلىسىم-شارتتار جاسالىنعان.

ماماندار قازىردىڭ وزىندە 2 ايعا جەتەتىن جەكە قورعانىس قۇرالدارىمەن قامتاماسىز ەتىلگەن. وبلىستا جالپى كوروناۆيرۋس ينفەكتسياسىنا تاۋلىكتىك قۋاتتىلىعى ءۇش مىڭعا جۋىق سىنامانى قۇرايتىن 12 زەرتحانا جۇمىس ىستەۋدە.

كۇنى بۇگىنگە دەيىن 130 مىڭنان استام ادام تەست تاپسىرعان. ونىڭ ىشىندە Covid-19 ينفەكتسياسى راستالعان 3343 جاعداي تىركەلگەن. ناۋقاستاردىڭ 96 پايىزى، ياعني 3210 ادام جازىلىپ شىقتى.

بۇگىنگى كۇنگە ءبىر كۇندىك ءوسىم 0,1 پايىزدى قۇراپ، اۋرۋشاڭدىقتىڭ تومەندەگەنى دە بايقالادى.

وبلىس بويىنشا ينفەكتسيالىق ستاتسيونارلاردا بۇگىنگى تاڭدا كوروناۆيرۋسقا قارسى ەمدەۋ شارالارى ءۇشىن 600 توسەك - ورىن دايىندالعان. تۇركىستان قالاسىندا 200 ورىنعا ەسەپتەلگەن ءمودۋلدى جۇقپالى اۋرۋلار اۋرۋحاناسى بوي كوتەرەدى. كوروناۆيرۋس جانە پنيەۆمونيا ىندەتتەرىمەن كۇرەسۋ ماقساتىندا العاشقى مەديتسينالىق - سانيتارلىق كومەك كورسەتەتىن ۇيىمداردا قۇرامىندا دارىگەر مەن ورتا بۋىن مەديتسينا قىزمەتكەرلەرى جۇمىلدىرىلعان 380 موبيلدى توپ جۇمىس ىستەۋدە.

سونداي-اق، مەديتسينالىق ۇيىمداردا اشىلعان 20 Call-ورتالىقتارى تۇرعىندار تاراپىنان تۋىنداعان سۇراقتارعا جاۋاپ بەرىپ، وزەكتى ماسەلەلەر بويىنشا ءتۇسىندىرۋ جۇمىستارىن جۇرگىزۋدە.