بالىقشىلار زايسان كولىندەگى قالىڭ قامىس اراسىندا اداسىپ قالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، كەشە «102» نومىرىنە زايسان كولىنىڭ جاعاسىندا بالىقشىلاردىڭ جاعالاۋعا شىعا الماي جۇرگەندىگى جايلى حابار تۇسكەن. انىقتالعانداي، بالىق اۋلاۋعا شىققان ازاماتتار جاعالاۋدان تىم الىسقا كەتىپ قالعان. قالىڭ قامىس اراسىندا اداسقان ولار وزدىگىنەن جول تابا الماعان.
«كۇرشىم اۋداندىق پوليتسيا ءبولىمىنىڭ قىزمەتكەرلەرى بىردەن قۇتقارۋ جۇمىستارىن باستادى. جەرگىلىكتى ينسپەكتور قايىقتىڭ قاي جەردە ەكەنىن تاپتى. ول ۇيالى تەلەفون ارقىلى بالىقشىلارمەن بايلانىسقا شىعىپ، باعىت بەرىپ، جول سىلتەدى»، - دەيدى ش ق و پ د باستىعى ساعات ماديەۆ.
وسىلايشا، ءتارتىپ ساقشىلارى بالىقشىلارعا جاعاعا امان- ەسەن جەتۋگە كومەكتەستى.
«قايىققا وتىرىپ، بالىق اۋلاپ ءجۇر ەدىك. قىزىعىنا كىرىپ كەتكەنىمىز سونشا، قاراڭعى تۇسكەنىن بايقاماي، تىم الىسقا كەتىپ قالىپپىز. اداسقانىمىزدى سەزگەندە دەرەۋ پوليتسيا مەن قۇتقارۋشىلارعا حابارلاستىق. بىزگە دەر كەزىندە كومەككە كەلگەن پوليتسەيلەرگە مىڭ العىس»، - دەيدى بالىقشىلاردىڭ ءبىرى ەربول اۋىزبايەۆ.
اۆتور: تالعاتجان مۇحامەتبەك ۇلى
