12:56, 08 - قىركۇيەك 2020 | GMT +5
گەننادي گولوۆكين بريتانيالىق بوكس شەبەرلەرىنىڭ زارەسىن الدى
لوندون. قازاقپارات - بريتانيانىڭ بوكسشىلار مەنەدجەرى جانە كاسىپكەر ۋيليام ستوري قازاقستاننان شىققان الەم چەمپيونى گەننادي گولوۆكيننىڭ جەتىستىكتەرىنە دەگەن تاڭدانىسىن جاسىرمادى، دەپ حابارلايدى قازاقپارات Sports.kz-كە سىلتەمە جاساپ.
Twitter-دە ستوري GGG- مەن بىرگە تۇسكەن سۋرەتىن جاريالاپ، كەزىندە ەكى ايگىلى وتانداسىنىڭ گەنناديمەن جەكپە-جەككە شىعۋعا جۇرەكسىنگەنىن ايتتى.
«گەننادي گولوۆكين - ەڭ ۇلى بوكسشىلاردىڭ ءبىرى. قازاقستاندىق نوكاۋتتار كورولىنە تاريحتاعى نوكاۋتتاردىڭ ەڭ ۇلكەن سانى تيەسىلى. ول باتىل، تاجىريبەلى جانە تاباندى، جەكپە-جەككە شىققان كەز كەلگەن بوكسشىدان تايسالمايدى. كارل فروچ جانە كريس يۋبانك سياقتى كوپتەگەن سپورتشىلار ودان قورىقتى»، - دەپ جازدى ول.
اۆتور: گۇلزات اقجولوۆا
