تۇركىستان وبلىسى پوليتسەيلەرىنىڭ «باسسىزدىعى» تۇسىرىلگەن ۆيدەو تارادى

ۆيدەو YouTube-تەگى LIFE KZ كانالىندا جاريالاندى.

بلوگەردىڭ ايتۋىنشا، وعان دەنيس تەن ەسىمدى جەرگىلىكتى تۇرعىنداردىڭ ءبىرى حابارلاسقان. ەر ادامنىڭ ايتۋىنشا، قۇقىق قورعاۋ ورگاندارىنىڭ وكىلدەرى زاڭعا قايشى ارەكەتتەر جاساعان. قوعام بەلسەندىلەرى وسى ماسەلەنى انىقتاۋ ءۇشىن ۋچاسكەلىك پۋنكتكە كەلگەن.

وڭىرلىك پوليتسيا دەپارتامەنتىنىڭ وكىلدەرى بلوگەردىڭ بۇل ۆيدەوسىنا قاتىستى تۇسىنىك بەردى.

«23- تامىزدا تۇركىستان قالالىق پوليتسيا بولىمشەسىنە جەكە كاسىپكەر بەلگىسىز بىرەۋدىڭ ونىڭ جالعا العان جەرىنىڭ تەرەزەسىنە بىرنەشە ارماتۋرانى لاقتىرىپ، قاشىپ كەتكەنى تۋرالى ارىزدانعان. وسىلايشا، ول اينەكتى سىندىرىپ، جابىرلەنۋشىگە 80 مىڭ تەڭگە كولەمىندە ماتەريالدىق شىعىن كەلتىرگەن. وسى ارىز ق ر اكىمشىلىك قۇقىق بۇزۋشىلىق تۋرالى كودەكستىڭ 434-بابى («ۇساق بۇزاقىلىق») بويىنشا تىركەلىپ، اكىمشىلىك حاتتاما تولتىرىلدى. ءتارتىپ ساقشىلارى وقيعانىڭ ءمان-جايىن انىقتاپ جاتىر»، - دەلىنگەن پوليتسەيلەردىڭ حابارلاماسىندا.

Tengrinews.kz