ءتورت وبلىستىڭ اۋماعىندا ۇسىك جۇرەدى

سينوپتيكتەر وسىنداي ەسكەرتۋ جاريالادى، دەپ حابارلايدى قازاقپارات قازگيدرومەتكە سىلتەمە جاساپ.

8-10- قىركۇيەكتە تۇندە سولتۇستىك قازاقستان وبلىسىنىڭ كەي جەرلەرىندە تۇمان تۇسەدى، 1-3 گرادۋس ۇسىك جۇرەدى. 8-9 قىركۇيەكتە تۇندە جامبىل وبلىسىندا كەي جەرلەرىندە 1-3 گرادۋس ۇسىك ءجۇرۋى مۇمكىن.

8-9- قىركۇيەكتە كەي جەرلەردە تۇمان تۇسەدى. 8- قىركۇيەكتە تۇندە قاراعاندى وبلىسىنىڭ كەي جەرلەرىندە 1-3 گرادۋس سۋىق بولادى. 8- قىركۇيەكتە تۇندە اقمولا وبلىسىنىڭ كەي جەرلەرىندە 2 گرادۋس ۇسىك جۇرەدى. كەي جەرلەرىندە تۇمان تۇسەدى.

8- قىركۇيەكتە كۇندىز قىزىلوردا وبلىسىندا سولتۇستىك-شىعىستان جەل سوعادى، كۇشى كەي جەرلەردە 15-20 م/س جەتەدى. كۇندىز توتەنشە ءورت قاۋپى ساقتالادى.

8- قىركۇيەكتە كۇندىز تۇركىستان وبلىسىنىڭ كەي جەرلەرىندە سولتۇستىك-شىعىستان سوعاتىن جەلدىڭ كۇشى 15-20 م/س جەتەدى. 8-9- قىركۇيەكتە اقتوبە وبلىسىنىڭ وڭتۇستىك-باتىسىندا وتە جوعارى ءورت قاۋىپى كۇتىلەدى.