الماتىلىقتار گاز تارتۋ ءۇشىن پايىزسىز نەسيە الا الادى - اكىمدىك

اسەت ماسابايەۆ قالا تۇرعىندارىن پايىزسىز نەسيە الۋ ارقىلى تابيعي گازعا قوسىلۋعا شاقىردى. «الماتىلىقتار كەپىلسىز، پايىزسىز 300 مىڭ تەڭگەگە دەيىن نەسيە الىپ، 18 اي ىشىندە العان سوماسىن قايتارا الادى. قالادا تابيعي گازعا قوسىلۋدىڭ ورتاشا باعاسى 148 مىڭ تەڭگەنى قۇرايدى. وعان جوبالاۋ، ەسەپتەۋ قۇرالى، ماگيسترالدى گاز قۇبىرىنان ۇيگە دەيىن جەتكىزۋ كىرەدى. وسى ماسەلە بويىنشا كەڭەس الۋ ءۇشىن تۇرعىندار اۋداندىق اكىمدىكتەرگە جۇگىنۋى قاجەت»، - دەدى باسقارما باسشىسى.

سونىمەن قاتار، ول قاجەتتى قۇجاتتاردى اتادى. «قاجەتتى قۇجاتتار پاكەتىنە: جەكە كۋالىك، جەر تەلىمىنە مەملەكەتتىك اكتى، ۇيگە تەحنيكالىق پاسپورت كىرەدى. تۇرعىندار بەلسەندى اتسالىسىپ جاتقان جوق. تۇرعىندار حالىق بانكىنە (پايىزسىز نەسيە الۋ ءۇشىن) حابارلاسۋى كەرەك. ەگەر مۇمكىندىك بولسا، گازدى ءوزىمىز دە جۇرگىزە الامىز»، - دەدى ول.

ونىڭ ايتۋىنشا، ءار تۇرعىن قاي قازاندىقتى، قانداي كولەمدە قويۋ كەرەكتىگىن ءوزى شەشەدى. گاز قازاندىعىن ورناتۋ كەزىندە قاۋىپسىزدىك ەرەجەلەرىن ەسكەرۋ قاجەت.

ەسكە سالايىق، الماتى قالاسىنىڭ اكىمى ب. ساعىنتايەۆ، حالىقتىڭ الەۋمەتتىك وسال توپتارىن تابيعي گازعا تەگىن قوسۋ بويىنشا، سونداي- اق حالىق بانكتەن 300 مىڭ تەڭگەگە دەيىنگى سوماعا پايىزسىز نەسيە الۋ ارقىلى قولداۋ كورسەتۋگە باستاما جاساعان بولاتىن.

اۆتور: الما مۇقانوۆا