قازاقستاندىق فۋتبولشى ەۋروپالىق كلۋبپەن جاڭا كەلىسىمشارتقا قول قويدى

نۇر-سۇلتان. قازاقپارات - فۋتبولدان قازاقستان قۇراماسىنىڭ جارتىلاي قورعاۋشىسى گەورگي جۋكوۆ كراكوۆتىڭ «ۆيسلا» كلۋبىمەن كەلىسىمشارتىن ۇزارتتى، دەپ حابارلايدى پولشالىق كوماندانىڭ رەسمي سايتى.

جاڭا كەلىسىم 2022 -جىلدىڭ 30-ماۋسىمىنا دەيىن ەسەپتەلگەن، دەپ حابارلايدى Vesti.kz. ەسكە سالايىق، كراكوۆ كومانداسىنا جۋكوۆ جىل باسىندا اۋىسقان. وتكەن ماۋسىمدا ول 13 ماتچ وتكىزدى. بيىلعى ماۋسىمدا جاڭا كومانداسى ءۇشىن ءۇش ويىنعا قاتىستى. 25 جاستاعى جارتىلاي قورعاۋشى ۇلتتار ليگاسىنىڭ 2020/21 ماۋسىمىنداعى ليتۆا جانە بەلارۋسكە قارسى ويىندارعا جاسالعان قازاقستان قۇراماسىنىڭ رەزەرۆ تىزىمىندە بار ەكەنىن ايتا كەتەيىك.

www.24.kz