قازاقستاندا ۇكىمەتتىك ەمەس ۇيىمدار اكادەمياسى قۇرىلادى
«ۇكىمەتتىك ەمەس ۇيىمداردى كاسىبيلەندىرۋ بويىنشا شارالار قابىلداۋ جوسپارلانىپ وتىر. تۇراقتى ءارى باسەكەگە قابىلەتتى ۇكىمەتتىك ەمەس ۇيىمداردى دامىتۋ ءۇشىن «ۇكىمەتتىك ەمەس ۇيىمدار اكادەمياسى» دەپ اتالاتىن جوبا قۇرۋ جوسپارلانعان. اكادەميانىڭ قۇرىلۋى بۇل سەكتوردىڭ دامۋى ءۇشىن جاقسى العىشارتتار جاساپ، ۇكىمەتتىك ەمەس ۇيىمداردىڭ باسشىلارى مەن قىزمەتكەرلەرىنىڭ قۇزىرەتتىلىگىن ارتتىرادى دەپ ويلايمىز»، - دەدى ول «دامۋ تاريحى: ىشتەي كوزقاراس» اتتى 11 - جىل سايىنعى حالىقارالىق كونفەرەنتسياسىندا.
ونىڭ اتاپ وتۋىنشە، «اسار» بيزنەس پەن مەملەكەتتىڭ ءۇشجاقتى سەرىكتەستىگى تۇعىرناماسى تۇراقتى تۇردە جۇمىس ىستەيتىن بولادى. اتالعان تۇعىرناما اياسىندا بيزنەسپەن بىرگە الەۋمەتتىك باستامالاردى دامىتۋ كوزدەلگەن.
«اۋىلدىق ۇكىمەتتىك ەمەس ۇيىمداردىڭ دا قىزمەتىن جانداندىرۋ بويىنشا جۇمىستار جۇرگىزىلىپ جاتىر. ەلىمىزدىڭ بارلىق وڭىرلەرىندە اۋىلدىق ۇكىمەتتىك ەمەس ۇيىمداردىڭ الەۋەتىن ارتتىرۋ جوبالارى جۇەگە اسىرىلۋدا»، - دەدى باعدات قوجاحمەتوۆ.
