مايك تايسون بوكسقا ورالۋى تۋرالى: توسەكتەن ءبىر اپتا تۇرا المادىم
بوكسشى كىشى روي دجونسپەن جەكپە-جەككە شىعاتىنى تۋرالى كەلىستى.
بۇل تۋرالى قازاقپارات Sport.kz سايتىنا سىلتەمە جاساپ حابارلايدى.
ءبارى مايكتىڭ ءبىر سناريادتى شيراق سوققىلاپ وتىرعانى جازىلعان قىسقا ۆيدەودان باستالعان.
«سەندەرگە بىردەنە ايتايىن. قىسقاسى، مەن بۇل 30 سەكۋند ۆيدەونى جازىپ العاننان كەيىن ءبىر اپتا توسەك تارتىپ قالدىم. بۇل كۇلكىلى جاعداي ەمەس»، - دەدى تايسون.
مايك بوكسقا ورالۋ يدەياسى قايدان شىققانىن ەسكە الدى.
«مەن زايىبىممەن ارتىق سالماعىم تۋرالى اڭگىمەلەسكەن ەدىم. ول ماعان: «جۇگىرۋ ترەناجەرىمەن كۇنىنە 15 مينۋت جاتتىقساڭ قايتەدى؟» دەگەن. اقىرى سول 15 مينۋت كۇنىنە 2 ساعات جاتتىعۋعا اينالدى»، - دەيدى مايك.
«مەن سالماقتان ارىلا باستادىم. سوسىن كۇيەۋبالام ماعان 30-40 ميلليون دوللار ءۇشىن جۇدىرىقتاسۋعا ۇسىنىس بولىپ جاتقانىن جەتكىزدى. ول ماعان بۇل ادامنىڭ بوب ساپ ەكەنىن
اقىرى، ءبىز ونىمەن جۇدىرىقتاساتىنىمىز تۋرالى كەلىستىك. دايىندىق پەن ءوزىڭدى قالپىنا كەلتىرۋ - ەكى ءتۇرلى نارسە. ءوزىڭدى قالپىنا كەلتىرۋ - بۇل كۇندەلىكتى ادەت. كيىمىڭدى كيگەنمەن تەڭ. ال بۇرىنعى قالپىڭا ورالۋ - ءوز جانىڭنىڭ سىرتىنا شىعىپ كەتكەنمەن بىردەي. بۇنى اۆتوماتتى تۇردە جاساۋ مۇمكىن ەمەس»، - دەپ اتاپ ءوتتى مايك تايسون.
ەسكە سالساق، بۇعان دەيىن مايك تايسون مەن كىشى روي دجونستىڭ جەكپە-جەگى 12- قىركۇيەكتە كاليفورنيادا (ا ق ش) وتەتىندىگى تۋرالى حابارلاعان بولاتىنبىز.
