تۇماۋعا قارسى تەگىن ۆاكتسينانى كىمدەر الاتىنى انىقتالدى

بۇل تۋرالى الماتى قالاسىنىڭ «المالى اۋدانى مساك ورتالىعى» پەدياتريا ءبولىمىنىڭ مەڭگەرۋشىسى» مايرا ماكەيەۆا ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، تۇماۋعا قارسى تەگىن ۆاكتسينا جىل سايىن بەلگىلى ءبىر ساناتتاعى ادامدارعا سالىنىپ كەلدى. بۇل ءۇردىس بيىل دا جالعاسادى.

«ءبىز جۇكتى ايەلدەر (2-3 تريمەستردە) ، مەديتسينالىق قىزمەتكەرلەر مەن 18 جاسقا دەيىنگى سوزىلمالى اۋرۋلارى بار بالالاردى، ينتەرنات، بالالار ءۇيى سياقتى جابىق مەكەمەلەردە ورنالاسقانداردى، سونداي- اق مۇمكىندىگى شەكتەۋلى جاندار مەن جاسى 60 تان اسقان ازاماتتاردى جىل سايىن تۇماۋعا قارسى تەگىن ەكپەمەن قامتاماسىز ەتىپ كەلدىك. بيىل دا ءار ۋچاسكەلىك دارىگەر وسى ساناتتاعى ازاماتتاردى تەگىن ەكپەمەن قامتاماسىز ەتۋ ءۇشىن اۋرۋحاناعا شاقىراتىن بولادى»، - دەدى مايرا ماكەيەۆا. ونىڭ ايتۋىنشا، تۇماۋدىڭ ءوزى قاۋىپتى ەمەس. ونىڭ باكتەريالدى اسقىنۋى قاۋىپتى.

«جىل سايىن الەمدە تۇماۋدىڭ ا جانە ب ءتۇرى بويىنشا زەرتتەۋلەر جۇرگىزىلۋدە. ناتيجەسىندە ۆيرۋستىڭ مۋتاتسياعا ۇشىرايتىنىن بايقاپ وتىرمىز. سوندىقتان جىل سايىن دا ۆاكتسينا جاڭارتىلىپ وتىرادى. بيىل دا جاڭارتىلعان ۆاكتسينا سالىنادى. ول رەسەيدە وندىرىلگەن. نەگىزى تۇماۋدىڭ ءوزى ءقاۋىپتى ەمەس. ونىڭ باكتەريالدى اسقىنۋى قاۋىپتى. ناتيجەسىندە اۋرۋ باكتەريالدى پنيەۆمونياعا ۇلاسىپ كەتۋى مۇمكىن»، - دەيدى ول.

سونداي- اق، ول تۇماۋعا قارسى ۆاكتسينانى تۇرعىندار جاقسى كوتەرەتىنىن جانە ونىڭ ءتيىمدى ەكەنىن اتاپ ءوتتى.