ءوزىڭدى وزگەرتپەي، ءومىردىڭ جاڭا جاعدايىنا بەيىمدەلە المايسىڭ - دانيار ەسين

«ۇسىنىلعان بارلىق باستامالار ۇلت باسەكەلەستىگىنىڭ نەگىزگى فاكتورى رەتىندە قازاقستاندىقتاردىڭ جاڭا مەنتالدىلىق بەينەسىن قالىپتاستىرۋعا سەپتىگىن تيگىزەدى»، - دەدى دوڭگەلەك ۇستەلدە العاشقى ءسوزدى العان «رۋحاني جاڭعىرۋ» ققدي باسقارماسىنىڭ ءتوراعاسى دانيار ەسين.

ونىڭ ايتۋىنشا، بۇگىنگى تاڭدا حالىقتىڭ الەۋمەتتىك جاعدايىن جاقسارتۋعا باعىتتالعان شەشىمدەر مىندەتتى تۇردە وڭ ناتيجە بەرۋى ءتيىس.

«قازىرگى جاعدايدا حالىقتىڭ جۇمىسباستىلىعى مەن تابىس كوزدەرىن ساقتاۋ - ازاماتتاردىڭ الەۋمەتتىك جاعدايىن جاقسارتۋعا جاسالاتىن باستى قادامداردىڭ ءبىرى بولىپ وتىر. سونداي-اق ۇلتتىڭ جاڭا بەينەسىن قالىپتاستىرىپ، بولاشاعىمىزدى قۇرۋ ماسەلەسى دە وتە وزەكتى بولىپ وتىر. ءوزىڭدى وزگەرتپەي ءومىردىڭ جاڭا جاعدايىنا بەيىمدەلۋ مۇمكىن ەمەس. مىنە، مەملەكەت باسشىسىنىڭ حالىققا جولداعان باستى ۇندەۋى - وسى»، - دەپ دانيار ەسين ءوز ويىن قورىتىندىلادى.

ق ر پرەزيدەنتى جانىنداعى ۇقسك مۇشەسى، ق ر پرەزيدەنتى جانىنداعى ادام قۇقىقتارى جونىندەگى كوميسسيا مۇشەسى، زاڭ عىلىمدارىنىڭ دوكتورى مارات ءباشىموۆ مەملەكەت باسشىسى 1,5 ساعات ىشىندە قوعامنىڭ بارلىق وزەكتى ماسەلەلەرىن قوزعاپ، ەلىمىزدىڭ دامۋىنىڭ باستى باعىتتارىن اتاپ وتكەندىگىن ايتتى.

«زاڭگەر رەتىندە ماعان پرەزيدەنتتىڭ قۇقىقتىق بلوكقا ەرەكشە نازار اۋدارعانى ۇنادى. ماسەلەن، قىلمىستىق سالانى مودەرنيزاتسيالاۋ، ازاماتتاردىڭ قۇقىقتارىن حالىقارالىق جوعارى تالاپتارعا سايكەس قورعاۋ، قۇقىق قورعاۋ سالاسى مەن سوت جۇيەسىنە رەفورما جاساۋ، سوت ماماندارىن ىرىكتەۋ، ۋچاسكەلىك قىزمەتكەرلەردىڭ مارتەبەسىن كوتەرۋ، جەمقورلىققا توتەپ بەرۋ، اكىمدەردى سايلاۋ سىندى ماسەلەلەردىڭ بارلىعى بۇگىنگى تاڭدا وتە اكتۋالدى. سوندىقتان، مەملەكەت باسشىسىنىڭ وسى ماسەلەلەرگە وزگەرىستەر ەنگىزۋ تۋرالى ويلارىن قۋانا قۇپتادىم»، - دەدى مارات ءباشىموۆ.

ءوز كەزەگىندە زاڭ عىلىمدارىنىڭ كانديداتى، «تۇران- استانا» ۋنيۆەرسيتەتىنىڭ عىلىم جانە سىرتقى بايلانىستار جونىندەگى پرورەكتورى ءالىمجان بەكماعامبەتوۆ تە جولداۋدا عىلىم مەن ادام قۇقىقتارىنا ەرەكشە نازار اۋدارعانىنا كوڭىلى تولاتىنىن جاسىرمادى.

«پرەزيدەنتتىڭ جولداۋى كەزىندە ءار ادام ءوزىنىڭ جەكە شارۋاسىنا نەمەسە كاسىبي قىزمەتىنە قاتىستى اسپەكتىلەرگە نازار اۋداراتىنى راس قوي. وسى ورايدا مەملەكەت باسشىسى «جاس عالىم» جوباسىنا 1000 گرانت (ستيپەنديا) بولىنەتىندىگىن جانە وتاندىق 500 عالىمنىڭ الەمدەگى ۇزدىك عىلىمي ورتالىقتارىندا وندىرىستىك تاجىريبەدەن ءوتۋ مۇمكىندىگى بولاتىندىعىن ايتتى.

ياعني، بۇرىن عىلىمي قوعامداستىقتىڭ وكىلدەرى ءاردايىم ءارتۇرلى جوبالار مەن زەرتتەۋلەرگە قارجى ءبولۋ تۋرالى ماسەلەنى كوتەرىپ كەلگەن بولسا، قازىر قولداۋ شارالارى دۇرىس جۇيەگە قويىلعاندىعىن كورسەتەدى»، - دەدى ءالىمجان بەكماعامبەتوۆ. سونىمەن قاتار، PhD دوكتورى، پوليتولوگ جاقسىلىق ءسابيتوۆ ج و و- لار مەن مەكتەپتەردەگى مۇعالىمدەر قۇرامىنىڭ بىلىكتىلىگىن جەتىلدىرۋ تۋرالى ماسەلە كوتەرىپ، «مەملەكەت باسشىسىنىڭ جولداۋىندا ايتىلعانداي، ەكونوميكامىزدىڭ دامىعانىن قالاساق، وندا عىلىمي- زەرتتەۋ جانە تاجىريبەلىك- كونسترۋكتورلىق جۇمىستارعا كوڭىل ءبولۋىمىز كەرەك»، - دەدى. ال م. س. نارىكبايەۆ اتىنداعى كازگ يۋ ۋ ۋنيۆەرسيتەتى مۋزەيىنىڭ ديرەكتورى يزات مەدەشوۆا جولداۋداعى تاپسىرمالاردىڭ ورىندالۋى بارشا قازاقستاندىقتارعا ورتاق جاۋاپكەرشىلىك ەكەندىگىن ايتتى.

«پرەزيدەنت قازاق جەرىنىڭ قانداي جاعدايدا بولماسىن ەشقاشان شەتەلدىكتەرگە ساتىلمايتىندىعىن ايتتى. مۇنىڭ استارىندا ۇلكەن ءمان بار. جالپى، جولداۋدىڭ ورىندالۋى تەك مەملەكەت باسشىسىنا عانا ەمەس، بارلىق قازاقستاندىقتارعا بايلانىستى. وسى ورايدا ءبىز ءوز كەزەگىمىزدە پرەزيدەنتتىڭ ەكوتۋريزم ماسەلەلەرىندەگى باستامالارىن قولداۋىمىز كەرەك. سونداي- اق پاندەميا كوپتەگەن باسقا دا قۇندىلىقتاردى قالىپتاستىرىپ جاتىر. سونىڭ ىشىندە ەلىمىزدەگى وتباسىلىق- دەموگرافيالىق جاعداي، ازاماتتاردىڭ كوزقاراستارىنىڭ وزگەرۋى سىندى كەلەلى ماسەلەلەر دە نازار اۋدارتپاي قويمايدى»، - دەدى يزات مەدەشوۆا.

جالپى، دوڭگەلەك ۇستەلگە عىلىمي جانە شىعارماشىلىق زيالى قاۋىم وكىلدەرى، تانىمال قوعام قايراتكەرلەرى، قوعامدىق جانە مەملەكەتتىك ەمەس ۇيىمداردىڭ وكىلدەرى بار - بارلىعى 13 ساراپشى قاتىستى.

پرەزيدەنتتىڭ حالىققا ارناعان جولداۋىندا ايتقانىنداي، «الدىمىزدا اۋقىمدى ءارى كۇردەلى مىندەتتەر تۇر. سولاردى تابىستى جۇزەگە اسىرۋ ءۇشىن تىڭ ءتاسىل، جاڭاشا ويلاۋ، جالپىۇلتتىق ىنتىماق جانە ءوزارا قولداۋ قاجەت. داعدارىس جاعدايىندا اتقارىلاتىن ءىس-شارالاردىڭ جەمىستى جۇزەگە اسۋى ءارقايسىمىزعا بايلانىستى».

«رۋحاني جاڭعىرۋ» ققدي ساراپشىلارى جانە دوڭگەلەك ۇستەلگە قاتىسۋشىلار پرەزيدەنتتىڭ بۇل تەزيسىمەن كەلىسەدى. الداعى ۋاقىتتا مەملەكەت باسشىسى جولداۋىنىڭ جۇزەگە اسۋىنا بەلسەندى تۇردە قاتىسىپ، ءار باعىتتار بويىنشا جاسالاتىن جۇمىستاردى قولدايدى.

اۆتور: گۇلزات اقجولوۆا