اقتوبەدە ينتەرنەت الاياقتارىنا الدانعاندار كوبەيدى

سوڭعى ۋاقىتتا اقتوبە وبلىسى اۋماعىندا ينتەرنەت ارقىلى الاياقتىق جاسايتىندار جيىلەپ كەتتى. ولار ءوز قۇرباندارىنىڭ بانكتىك شوتتارى مەن كارتوچكالارىن پايدالانعان.

«الاياقتار الداۋدىڭ جانە ازاماتتاردان اقشا الۋدىڭ كۇردەلى ادىستەرىن قولدانادى. ەگەر بۇرىن الاياقتار تەلەفون ارقىلى قوڭىراۋ شالىپ، پوليتسيا قىزمەتكەرى بولىپ تانىسسا، ۇستالعان ازامات ءۇشىن اقشا تالاپ ەتسە، ءقازىر الاياقتىقتىڭ جاڭا ءتۇرى بەلەڭ الدى. جاڭا تەحنولوگيالاردى پايدالانىپ، ونلاين نەسيە راسىمدەي وتىرا، قىلمىس جاسالادى»، - دەيدى اقتوبە وبلىستىق پ د باستىعى اتىعاي ارىستانوۆ.

ونىڭ ايتۋىنشا، بەلگىسىز بىرەۋلەر «balzhan aqsha halykka» بەتىندەگى nstagrami الەۋمەتتىك جەلىسىن پايدالانىپ، قارجىنى ەكى ەسە كوبەيتۋ سىلتاۋىمەن 15000 تەڭگە سوماسىنداعى اقشانى يەمدەنىپ العان. اقتوبەلىك «qiwi ءاميان» ارقىلى اقشا اۋدارعان. ينتەرنەت الاياقتارىن انىقتاۋ ماقساتىندا جەدەل- ىزدەستىرۋ شاراسى جۇرگىزىلدى. كيبەرقىلمىسپەن كۇرەس توبىنىڭ قىزمەتكەرلەرى 21 جاستاعى جىگىتتى ۇستادى. ول Instagram الەۋمەتتىك جەلىسى ارقىلى بىرنەشە رەت ينتەرنەت الاياقتىقپەن اينالىسقان، پاراقشادا «WhatsAap» مەسسەندجەرىنە تىركەلگەن نومىرلەر ارقىلى ازاماتتارعا تىكەلەي حابارلاساتىن بولعان. اقشا ءارتۇرلى تولەم كارتاسىنا اۋدارىلدى. كۇدىكتىنىڭ ەلىمىزدىڭ بىرنەشە وڭىرىندە تىركەلگەن 15 تەن استام الاياقتىق فاكتىسىنە قاتىسى بار ەكەنى انىقتالدى. ول اقتوبە قالاسىنىڭ ۋاقىتشا ۇستاۋ يزولياتورىنا قامالدى.

«ءبىزدىڭ ازاماتتارىمىزدىڭ باستى ماسەلەسى - ولاردىڭ سەنىمدى جانە تەز ءارى وڭاي بايۋعا ۇمتىلىسى. وسىعان بايلانىستى ازاماتتارعا قىراعى بولۋ جانە جەكە اقپاراتپەن، ونىڭ ىشىندە بانك كارتالارىنىڭ نومىرلەرى، پين- س م س- كودتار تۋرالى اقپاراتپەن بولىسپەۋ جانە اقشانىڭ تەز ءوسۋى تۋرالى الدامشى ۇسىنىستارعا سەنبەۋ قاجەتتىگى تۋرالى قاتاڭ كەڭەس بەرەمىز. كۇدىكتى SMS، قوڭىراۋلار، سونداي- اق الەۋمەتتىك جەلىلەر مەن يتەرنەتتە تارتىمدى ۇسىنىستار تۇسكەن جاعدايدا دەرەۋ پوليتسياعا حابارلاسىڭىز نەمەسە بانكتەگى شوتتارىڭىز بەن نەسيە تاريحىڭىزدى تەكسەرىڭىز»، - دەدى وبلىستىق پد باستىعى ا. ارىستانوۆ.