الماتىدا كوروناۆيرۋستىڭ جاڭا تولقىنىمەن كۇرەستىڭ ءبىرىڭعاي جوسپارى ازىرلەنبەك

«ىسكەرلىك كەڭەستە اعىمداعى ەپيدجاعدايدى جانە ونىڭ قالا ەكونوميكاسىنا اسەرىن تالقىلادىق. ك ۆ ي-دىڭ جاڭا تولقىنى كەزىندە ءبىرىڭعاي جالپى قالالىق ءىس- قيمىل جوسپارىن ازىرلەمەكپىز. كارانتيندىك شەكتەۋلەر مەن بيزنەستى قولداۋ شارالارىن بارىنشا تەڭدەستىرۋ قاجەت»، - دەدى اكىم جازباسىندا.

كەشە قالا اكىمى تىكەلەي ەفير ارقىلى قالاداعى ەپيد احۋال تۋرالى بايانداعان بولاتىن.

«وتكەن ايداعى كورسەتكىشتەرمەن سالىستىرعاندا اناعۇرلىم تومەندەگەنى انىق. ەپيدەميانىڭ قاۋىرت ساتتەرىندە كۇنىنە 250 ادام تىركەلگەن بولاتىن. ال جازىلعاندار سانى 13360 ادام. پنەۆمونيامەن 705 ادام تىركەلگەن. قازىر كۇنىنە 11 ادام تىركەلەدى. بۇل جاعىنان دا كورسەتكىشتەر تومەندەگەن»، - دەدى ب. ساعىنتايەۆ.

ونىڭ ايتۋىنشا، ارنايى بازادان 180 مىڭ كاسىپكەرلىك سۋبەكتى تىركەۋدەن وتكەن. قالا اكىمى وڭتۇستىك استانانىڭ بۇرىنعى ەكونوميكالىق بيىگىنە كەلەر جىلى شىعاتىنىن بولجادى.