ەلوردادا سۋىق سۋعا ءتۇسۋ قاۋپى تۋرالى ايتىلدى

«بىزدە سۋعا ءتۇسۋ ماۋسىمى 1-ماۋسىمدا باستالىپ، 1-قىركۇيەكتە اياقتالادى. ەڭ الدىمەن نازارلارىڭىزدى وزدەرىڭىزدىڭ جانە بالالارىڭىزدىڭ قاۋىپسىزدىگىنە اۋدارعىمىز كەلەدى. قازىرگى كەزدە ءتۇن سۋىق، سوندىقتان سۋ دا سالقىن - 19 گرادۋستان تومەن. كۇن جىلىندى دەپ سۋىق سۋعا تۇسۋگە بولمايدى، سۋ سالقىن بولعاندىقتان دەنە تارتىلىپ، بۇلشىقەتكە، جۇرەككە زيان ءتيۋى مۇمكىن. بالالارىڭىزدىڭ قاۋىپسىزدىگىنە باسا نازار اۋدارىڭىزدار»، - دەيدى باۋىرجان سىزدىقوۆ. ونىڭ ايتۋىنشا، سۋعا ءتۇسۋ ماۋسىمىندا سۋعا تۇسۋگە بولاتىن 23 جەردىڭ 3-ەۋىنە عانا رۇقسات ەتىلگەن. قالعان 20 سۋعا ءتۇسۋ ورنىنىڭ 7 ەۋى پيلوتتىق جوبا رەتىندە تاڭدالىپ، قاۋىپسىزدىك شارالارى قامتاماسىز ەتىلگەن.

«اكىمدىك وسى جەرلەر بويىنشا قۇجات دايىنداپ جاتىر، كەلەسى جىلى بۇل جەرلەرگە سۋعا تۇسۋگە بولادى. سونداي-اق، ەسىل وزەنىندە سۋعا تۇسۋگە بولاتىن تاعى ەكى ورىن دايىندالادى دەپ جوسپارلانۋدا. ناتيجەسىندە ەلوردادا سۋعا تۇسۋگە بولاتىن جەر 4000 ادامعا سىياتىنداي ۇلعايتىلادى»، - دەيدى ول.