كەزەكشى سىنىپقا باراتىن وقۋشىلارعا نەنى ءتۇسىندىرۋ كەرەك

ينفەكسيونيست دارىگەر اتا-انالاردىڭ بالالارعا ءوز ارەكەتىمەن ۇلگى كورسەتۋى ماڭىزدى دەپ سانايدى.

«وقۋ جىلى باستالعالى بەرى مەكتەپتەردە 1-2-سىنىپ وقۋشىلارىنا ارنالعان كەزەكشى توپتارى اشىلادى. ەپيدەميولوگيالىق احۋالدى ەسكەرە وتىرىپ، اتا-انالاردا مەكتەپكە باراتىن بالالاردىڭ قاۋىپسىزدىگى تۋرالى ورىندى سۇراقتار تۋارى ءسوزسىز. اتا-انالار بالالارىنا ك ۆ ي تۋرالى ءتۇسىندىرۋى ءتيىس. بالالار ەگەر كارانتين تالاپتارىن ساقتاماعان جاعدايدا كارانتين كەزىندەگى احۋال قايتىپ كەلەتىنىن ءتۇسىنۋى ءتيىس. دەمالىسقا بارماي، ۇيدە قامالىپ وتىرىپ قالۋى مۇمكىن. ءبىز بالالارعا تەك ءوزىمىز ۇلگى بولا الامىز»، - دەدى تامارا ۇتاعانوۆا الماتىدا وتكەن ونلاين بريفينگ بارىسىندا.

ينفەكسيونيست مامان ينتەرنەتتە تاراپ جاتقان كاۆاساكي تەكتەس سيندروم تۋرالى اقپاراتقا قاتىستى دا ويىن ايتتى.

«ك ۆ ي اۋىرعان بالالاردا كاۆاساكي تەكتەس سيندروم سياقتى اسقىنۋلار بولاتىنى دالەلدەندى. وسىعان بايلانىستى پروفيلاكتيكالىق شارالاردى ساقتاۋ وتە وزەكتى بولىپ وتىر. ونداي دەرەكتەر بىزدە قازىر تىركەلىپ جاتىر. الايدا، بۇل اۋرۋدىڭ كلينيكالىق بەلگىلەرى ءالى زەرتتەلۋدە، ول ۇزاق زەرتتەۋدى تالاپ ەتەدى»، - دەدى «ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» م ك ك دارىگەر- ساراپشىسى ت. ۇتاعانوۆا.

اۆتور: گۇلميرا عوسمانالي